Hamborgs Schoolbehöörd hett ne’e Tahlen to de Corona-Süük vörleggt. So as güstern (Freedag düsse Week) seggt worrn is, hebbt sik in’e verleden teihn Daag üm un bi dreedusend Schölerinnen un Schölers mit dat Virus ansteken. Dat sünd weniger as twee Perzent, sä Schoolsenater Ties Rabe düsse Week in‘n Schoolutschuss vun’e Börgerschop. Dorüm is he denn ok dorgegen, de Scholen dicht to maken. Schullen sik de Tahlen ännern, denn weer een, so as Rabe dat seggt, ok praat för Wessel- oder Distanzünnerricht.
// Düsse Week - Der Wochenrückblick auf Platt - 15.01.2022, Kl. 9:30

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten48454.html