Annalena Baerbock warrt na Kiew föhren. Dat hett Bunnskanzler Olaf Scholz künnig maakt. De düütsche Butenministersch will sik sülvst en Bild maken vun dat, wat de russ’sche Angriffskrieg in’e Ukrain anricht hett. Nipp un nau en Termin gifft dat aver noch nich. Bunnspräsident Frank-Walter Steinmeier harr vörher mit den Präsidenten vun’e Ukrain, Wolodymyr Selenskyj, an’t Telefon snackt. Dormit is denn de Arger över den Besöök vun Steinmeier, den se afseggt harrn, vun’n Disch.
// Stand: 06.05.2022, Kl. 9:30

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten49682.html