En ganze Tiet lang hebbt se dor üm streden - nu hebbt de Länner in de EU en deelwies Embargo för Erdöl ut Russland afnickt. Bet to’t Enn vun düt Johr schüllt mehr as twee Drüddel vun de Importen wegfallen. Över Ölleitungen, de Pipelines, dor schall dat Öl ut Russland aver wieder na Europa hen pumpt warrn dröven. Bavento schall de Ukrain, wat dat Geld angahn deit, aver noch mehr Stütt kriegen - bet to negen Milliarden Euro. Dormit schall dat Land denn ok siene Krankenhüüs wieder bedrieven könen.
// Stand: 31.05.2022, Kl. 9:30

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten49952.html