Na de Anslääg in Afghanistan hett de Präsident vun’e USA, Joe Biden, künnig maakt, dat se dat trüchbetahlen wullen un snack vun Vergeltung. Bi de Sülvstmoord-Anslääg an’n Flooghaven vun Kabul sünd güstern vele Minschen bi üm’t Leven kamen - minnstens söventig. Blangen vele zivile Lüüd sünd dor ok dörteihn US-Soldaten mit bi, de jümehr Leven verloren hebbt. De Terrorgrupp „Islamischer Staat“ hett seggt, dat se achter de Attack steken dee. Dat US-Militär wohrschaut al vör noch mehr Anslääg.
// Stand: 27.08.2021, Kl. 9:30

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten47062.html