Wokeen in Hamborg mit‘e U3 föhren will, de mutt in’e Binnenstadt nu op Bussen oder op annere Bahnen ümstiegen. Siet verleden Nacht is de Streck twüschen Sankt Pauli un Hauptbahnhoff wegen Boarbeiden sparrt. Af Maandag is dat denn twüschen Baumwall un Hauptbahnhoff dicht un dat ganze veerteihn Maand lang. De Hoochbahn maakt fief Viadukte un een Tunnel an’t Raathuus nee. Liekers wi totiets de Coronapandemie hebbt, warrt de Streck, üm de dat nu geiht, jeden Dag vun fiefuntwintigdusend Fohrgäst bruukt.
// Stand: 29.01.2021, Kl. 9:30

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten45058.html