De Flegersellschopen seggt totiets woll kortfristig ganz veel Flöög af. De Fachmann för Luftfohrt Cord Schellenberg sä to dat Hamborger Avendblatt, de Airlines müssen sik na den Corona-Lockdown mit jümehrn Fohrplaan man noch eerst finnen. Eurowings – dat sünd de, de op’n Hamborger Markt vörnan staht – de hebbt to dat Blatt seggt, dat de Flöög, wo man blots wenig mitflögen, afseggt warrt. De Flegersellschopen kregen vun’t Geld ornlich Wind vun vörn un kunnen sik lerrige Flegers in’e Luft man kuum leisten.
// Stand: 10.07.2020, Kl. 9:30

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten43062.html