Protesten gegen den beschränkten Corona-Alldag hett dat ok in annere Städer in Düütschland geven, un mit dormang weern woll ok so nöömte Verschwörungstheoretiker. Lüüd ut mehrere Parteien hebbt wohrschaut dorför, dat dor Extremisten dat Roder bi de Protesten övernehmen kunnen. CDU-Generaalsekretär Paul Ziemiak sä to de Augsburger Allgemeine, siene Partei wörr nich tolaten, dat Extremisten de Corona-Kris' missbruukt, as en Plattform för Propaganda gegen de Demokratie. SPD-Baas Saskia Esken sä: Lüüd, de dat afstrieden doot mit de Pandemie un de dorto oproopt, dat man de Schutzvörschriften missachten schall, socke Lüüd, de wörrn dat schaamlos utnütten, dat vele Minschen verunsekert sünd. // Stand: 11.05., Klock 09:30

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten42486.html