Ok vundaag geiht de Söven-Daag-Inzidenz wieder na baven. Bunnswiet is de nu vun sössundörtig op rund sövendörtig stegen. Dat Robert-Koch-Institut mellt bummelig dreedusendnegenhunnert ne'e Corona-Infekschonen. Dat sünd eendusendveerhunnert mehr as noch vör een Week. Dat gifft nochmal achtuntwintig Minschen de an oder mit dat Corona-Virus dootbleven sünd. Dor is ok een ut Hamborg mit dorbi. Man allens in allen is de Laag op de Intensiv-Statschonen ruhig. // Stand 17.08.2021, Kl. 9:30

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten46952.html