De Huthi-Rebellen in'n Jemen hebbt künnigt maakt, dat se de internatschonale Schippfohrt nich mehr angrepen warrt. Dat begrünnt se dormit, dat se in'n Gazastriepen de Wapen rohn laat. Hamborger Reeders sünd dor bi düsse Ankünnigen noch wat torüchhöllern. Hapag-Lloyd un Maersk wüllt sik de Saak eerstmal noch wat ankieken, ehrdat se jemehr Frachters wedder op dat Rode Meer laat. En Verbandsspreker sä to NDR 90,3, een wöör sik eenzig un alleen op dat verlaten, wat de Sekerheitsbehöörden raden doot, un nich op dat wat de Huthis seggt.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten60610.html