Wi köönt uns op dat Wekenenn freien, denn dat warrt goot. Morgen kriegt wi denn so üm un bi 23 Graad un veel Sünn. Man vundaag is dat denn eerst noch so’n beten wat as güstern. Dat heet: Dat geiht eerst sinnig los mit’n poor Wulken un ok de Sünn kriegt wi noch’n beten wat to sehn. Aver denn, hüüt Vörmiddag al kummt denn de eerste Regen. Un ok an’n Namiddag kriegt wi denn ok’n poor Regenschuer mit af, de denn deels ok ornlich Wind mit bi hebben köönt. Aver na’n Avend hen höört dat denn so bilütten op un de Sünn kickt denn ok al wedder so’n beten wat dör. Un dat Ganze löppt vundaag denn af bi Temperaturen vun üm un bi 16 Graad.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten57338.html