Kortarbeit in Hamborger Industrie-Bedrieven: Folgens Wirtschopssenatersch Melanie Leonhard kunn dat in’n Harvst wedder passeren. Liggen deit dat doran, dat de Energiepriesen jümmers noch bannig hooch sünd. De SPD-Politikersch verlangt tohoop mit de Ünnernehmen un de IG Metall, Stroom för de Industrie günstiger to maken. Düsse Industriestroom schall de Bedrieven, de sünnerlich veel Energie bruken doot, wat vun de Last nehmen. Vundaag snackt se dor in’n Bunnsraat över.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten55310.html