Se wüllt, dat de Bunnsregeren kiekt, wat een de AfD verbeden kann. - Meist 800.000 Minschen hebbt en Online-Petitschoon vun den Blog "Der Volksverpetzer" ünnerschreven. De Ünnerschriften warrt vundaag de Bunnsraatspräsidentsche un SPD-Ministersch vun Mekelnborg-Vörpommern, Manuela Schwesig övergeven. Noch mehr Stütt - mit wiet över 1,6 Millionen Ünnerschriften - harr en Petitschoon vun dat Nettwark Campact. De verlangt, dat den AfD-Böversten Björn Höcke en Deel vun siene Grundrechten nahmen warrt. De List warrt morgen in Berlin övergeven.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten56624.html