De Stadt Hamborg lett sik nich ut de Roh bringen. Dat geiht üm de Pleite vun de Signa-Dochter Prime Selection. De boot to't Bispeel den Elvtower mit. De Behöörd för Stadtentwickeln seggt, se kiekt sik de Saak dor nipp un nau an. De Signa-Prime-Selection kann twoors Reken nich betahlen, man se will wieder arbeiden. Bi en Insolvenz will se, wat se seggt, mit de Geschäften in Egenregie wiedermaken.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten56280.html