Warrt Milliardär Klaus-Michael Kühne den Hamborger Elvtower köpen? Dat Hannelsblatt schrifft, dat Kühne sik de Saak graad bekiekt: Mit de Stadt schall he al verhanneln. De Elvtower is graad noch en grote Bosteed, de to't Immobilien-Imperium Signa vun Milliardär René Benko ut Ööstriek tohüürt. De Bokösten liggt bi bummelig negenhunnertföfftig Millionen Euro. Al en Maand lang warrt dor man nich mehr arbeidt. Anfang vun'n Maand sä Kühne noch, dat sien Holding keen Andeel an'n Elvtower hebben wull.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten55934.html