An’n Dünnersdag düsse Week is dat bekannt worrn: Hamborgs fröhere Börgermeister Hans-Ulrich Klose is doot. De SPD-Politiker is mit 86 Johr storven. Börgermeister Peter Tschentscher see, he weer en Regerensböversten, den de Minschen muchen, en goden Bunnspolitiker un en wunnerboren Bottschopper för Hamborg. An’t Raathuus hangt de Flaggen opstünns op Halfmast – un dor liggt en Kondolenzbook ut. Klose harr opletzt in Berlin leevt. Bisett warrn schall he man op den Oolsdörper Karkhoff.
// Düsse Week - Der Wochenrückblick auf Platt

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten55078.html