Vör den Amokloop vun Alsterdörp hett de Uttuusch vun Informatschonen nich richtig funkschoneert. CDU un Linke verlangt nu, dat dor personell wat achterna kümmt. Dat geiht dorbi üm en Book, wat de Weltsicht vun den Mann wiest, de dor later op de Minschen schoten hett. Verleden Week harr Polizeipräsident Ralf Martin Meyer seggt, de Ermiddlers kunnen dat Book na en anonymen Henwies nich finnen. Man nu is rutsuert, en Mitarbeidersch harr dat Book twoors funnen, man nich bestellt.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten53224.html