Na de Metz-Attack in Brooksteed, wo twee Minschen bi üm’t Leven kamen sünd, wüllt se Licht in de Saak bringen. Ok Bunnsbinnenministersch Nancy Faeser hett ehr Stütt anbaden. Tohoop mit den sleswig-holsteenschen Ministerpräsidenten Daniel Günther hett se vör Oort mit de Hölpslüüd un Reddenskräft snackt hatt. De dreeundörtig Johr ole Palästinenser, de dat maakt hebben schall, sitt in’e Twüschentiet in U-Haft. De Staatsanwaltschop smitt em tweefachen Moord un versöchten Doodslag vör. Woso de Keerl dat maakt hett, dat is ümmer noch unkloor.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten52614.html