Kolumne: Hör mal 'n beten to "Dor hebbt wi denn Salat"
Nach der Völlerei über die Feiertage bricht jetzt auch bei Familie Kromminga wieder die Zeit des Kalorienzählens an.
"Dor hebbt wi denn Salat"
Salat sall ja sooo gesund weesen. Of un tau schmeckt mi dat ja sogoar ganz goad. Ja un ick weet, wenn een gau wat afnehmen will, denn is Salat een Geheimwaffe, tominst bi mien Göttergatte. He eet denn eenfach jeden Abend een groote Salat un - schwupps! - na circa twee Weeke of so, sünd veer Kilos wech. Eenfach so.
Bi mi geiht dat nicht. Erstens geiht dat nich so eenfach un tweedens: jeden Abend Salat? Jümmers Salat? Dat is sooooooooo langwielig.
Vitaminbombe oder eenfach blots langwielig?
Naja un annerletzt hebb ick hört, dat abends Salat doch goar nich so goad weesen sall, wiel de Rohkost dann de heele Nacht in di rumgären deit. Man, ok - dat is bloots een Meenen. De meeste Lüüd ut de Ernährungswetenschap seggen: Salat is een echte Vitaminbombe un hett ok jede Menge Mineralstoffe. Un langwielig mutt dat ok nich weesen: Man kann Salat ja ok wunnerboar afwesseln - Blattsalat mit Tomate, Batavia mit Nöten un Käs, Isbargsalat mit Ananas un Schinken.
Jaaaa… ick weet. Man jede Dag Salat is mi eenfach to minn Pizza.
Wunnermittel tegen allens
Man denn les ick weer sowat. Wat steiht hier? Salat is good för de Haut un ok för den Gesundheit. Salat is alleerbest för dat ganze Immunsystem un sall sogar een Wunnermittel tegen Krebs weesen. Dat steiht doar, dat hebb ick mi nich utdocht. Kummt noch mehr van de Wunnersalat? Ja, denn Salat sall ok noch super weesen för de lüttjen grisen Zellen. Un seker helpt Salat ok noch tegen de Klimawannel un is super för de Weltfrieden.
Doar hebbt wi de Salat.
Zum Podcast-Angebot der plattdeutschen Sendereihe "Hör mal 'n beten to"
Die plattdeutsche Morgenplauderei "Hör mal 'n beten to" gehört seit mehr als 60 Jahren zum Alltag in Norddeutschland. Hier werden die Wunderlichkeiten des Alltags betrachtet. So klingt es, wenn wir Norddeutschen uns selbst auf die Schippe nehmen - liebevoll bis spöttisch, selten mit dem Finger in schmerzenden Wunden, aber immer an Stellen, an denen wir kitzelig sind. Im Radio: werktags um 10.40 Uhr auf NDR 1 Welle Nord, um 11.50 Uhr auf NDR 1 Niedersachsen und um 13.20 Uhr auf NDR 90,3.
Schlagwörter zu diesem Artikel
Plattdeutsch
