Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten60146.html

Bunnskanzler Olaf Scholz hett al to't drütte Mal vör'n Parlamentar'schen Ünnersökensutschuss vun de Hamborgsche Börgerschop to de Cum Ex Geschäften utseggt. Dütmal güng dat dorbi nich üm de Warborg-Bank, man üm de HSH-Noordbank, de fröhere Lannsbank vun Hamborg un Sleswig-Holsteen. Ok güstern wull Scholz nix dorvun afweten, dat een dor politisch inwarkt hett. Domals weer he Börgermester in Hamborg un harr överhaupt nich an twiefelt, dat de HSH-Noordbank ehr egen Cum Ex Geschäften 2013 rechtschapen kloor leggen wöör.