Dat Landgericht Hamborg hett güstern en 22 Johr olen Mann veruurdeelt. He sall nu för söss Johr achter Trallen. De Mann harr en 25 Johr ole Fru mit Billers presst, op de se nakelt to sehn weer un ehr dwungen, mit em un noch anner Keerls Sex to hebben. Dorför harr he en Wahnung in Winterhuud meedt, de sien Offer betahlen muss. Un denn hebbt se noch en Anklaagten veruurdeelt, wieldat he de Vergewaltigens mit sien Handy filmt hett.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten60140.html