Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten59798.html

Twee Daag is de Wahl in’e USA nu her. Un nu hett de tokümstige US-Präsident Donald Trump de eerste wichtige Entscheden drapen in Saken Personaal. Dat geiht üm Susan Wiles. Se weer betto för den Wahlkamp vun Trump tostännig un schall sik nu as Böverste vun dat Witte Huus dor üm den Regerensalldag vun Trump kümmern. Se is 67 Johr oolt un gellt as enge Vertrote vun em. Ehr warrt en groten Andeel toschreven doran, dat de Wahl vun Trump düt Johr so goot lopen is.