Nu is se offizjell Kandidaatsch: Kamala Harris. Se is bi’n Parteidag vun de US-Demokraten in Chicago formell för dat Rennen üm dat Witte Huus nomineert worrn. Op den Parteidag treed ok wichtige Lüüd op, de Harris Stütt geven doot. De fröhere US-First-Lady Michelle Obama sä, dor leeg wat Magischet in’e Luft. Un ok ehr Keerl, Ex-Präsident Barack Obama, hett för Harris Reklaam maakt.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten58890.html