In de Hoochwatergegenden in'n Süden vun Düütschland is de Laag an masse Oorten jümmer noch eernst. In'n Oosten vun Bayern hett sik de Saak dor meist gor nich betert. In de Städer Passau un Regensborg hett sik an de Pegelstänn in de Nacht ok nix ännert. An de ünnere Donau sünd se en beten rünnergahn. De Düütsche Wedderdeenst seggt ok för vundaag un morgen Flagen un Dünnerslag in Bayern vörrut. In Baden- Wörttembarg sall dat vundaag de mehrste Tiet dröög blieven. Dor hett sik de Saak wieder entspannt.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten58006.html