Stand: 03.12.2022 09:30 Uhr
Düsse Week: Blindgänger in Willemsborg
In Willemsborg is Dingsdag düsse Week en Blindgänger unschädlich maakt worrn. De fiefhunnert Kilo swore Bomm leeg negen Meter deep op en Bosteed an’e Thielenstraat. Üm un bi veerdusendfiefhunnert Minschen müssen ut jümehr Wahnungen rut un Straten un Bahnstrecken ümto sünd dicht maakt worrn. In’n Ümkreis vun dusend Meter schullen de Lüüd Fenster un Dören dichtlaten. An’n Enn hett de ganze Saak länger duert as plaant, denn se bruken mehr Tiet, üm de Lüüd ruttobringen un de Bahnstatschoon Willemsborg müss ok noch rüümt warrn.
// Düsse Week - Der Wochenrückblick auf Platt
Schlagwörter zu diesem Artikel
Plattdeutsch
![NDR Logo NDR Logo](/resources/images/logos/ndr_printlogo.gif)
Dieser Artikel wurde ausgedruckt unter der Adresse:
https://www.ndr.de/kultur/norddeutsche_sprache/plattdeutsch/-,norichten52006.html