Sendedatum: 09.03.2020 19:05 Uhr

Manches kommt anders, als es geplant war

von Pastorin Maike Bendig
Narzissen vor dem Gebäude des Oberlandesgerichts. © Ralf Meinders Foto: Ralf Meinders
Narzissen blühen vor dem Gebäude des Oberlandesgerichts.

"As Otto Wulf un sien Mathilde sick dat Hus buun leeten, dor schull dor denn ok glicks een lütt Goarn vör de Döör mit allerhand Blomen in. Bloomen, seggt Otto, dor verstoh ik nix vun. Dat laat den leeben Gott man sülben maken. Ober sien Mathilde meen: Wi mööt den leeben Gott doch tomindst seggen, wat wi för Blomen hebben wüllt, un wonem se hin schüllt. Un schütt dree Tüten Saat op den Acker. Opgahn is an't End nix - blots de dree Stecken, wo de Saattüten in de Eer an fastmokt wurrn, de sünd mit de Tied to dree grote Bööm wurrn."

Rudolf Kinau, de Broder vun Gorch Fock, hett düsse lüdde Geschicht opschreben un vertellt op siene Ort vun Gottvertruun un Minschenwark. Is dat nich sympathisch, mit wat för een Selbstverständlichkeit dat nette Ehepoor vun Gott schnacken deit? Otto truut Gott to, dat de dat recht moken warrt - un ok Mathilde will man blots een lütt beten nohölpen un Gott nich de Aarbeit wechnähmen. Un denn: Keen Blom, mit de sick angeben lött, keen Farbenpracht vör dat Huus. Man liekers hett Gott dat an’t End goot maakt, wenn de beiden olen Lüüd in Schatten ünner de dree Bööm sitten könnt.

In unse Tieden hebbt wi dat meist vergeten, dat in de Natur, man ok in uns ganze Leben eegentli gor nix ohn Gott un siene Barmhartigkeit funkscheneert. Wo oft heff ik sülms wat plannt - un dor is nix ut worrn. Wo oft heff ik wat plont un dat is heel anners komen! Wo oft heff ik dacht, ik kunn bi Gott een lütt bit nohölpen - un denn keem dat beter as ik dröömt harr.

De Minsch denkt sick wat ut, man Gott lenkt sienen Schritt, weet dat ole Testament. Gott wees Dank, meent ok Mathilde un freut sick un sitt ünner ehren Boom. He blööht.

Dieses Thema im Programm:

NDR 1 Welle Nord | 09.03.2020 | 19:05 Uhr

NDR Logo
Dieser Artikel wurde ausgedruckt unter der Adresse: https://www.ndr.de/kirche/Manches-kommt-anders-als-es-geplant-war,gott172.html

Info

Die Evangelische und Katholische "Kirche im NDR" ist verantwortlich für dieses Onlineangebot und für die kirchlichen Beiträge auf allen Wellen des NDR.