Musiker Rolf Zuckowski steht am Hamburger Hafen an der Elbe. Der Musiker feiert am 12.05.2022 seinen 75. Geburtstag. © picture alliance/dpa | Jonas Walzberg Foto: picture alliance/dpa | Jonas Walzberg

Wi snackt Platt: Rolf Zuckowski, Hittfelder Speeldeel un Orchideen

Stand: 03.02.2023 11:10 Uhr

Bi "Wi snackt Platt" geiht dat düsse Week üm den Orchideen-Experten Wolf Baus, dorto stellt wi Jo dat ne'e Stück vun de Hittfelder Speeldeel vör un wi snackt mit den Ledermaker Rolf Zuckowski.

von Jan Wulf

"Tohuus" - dat is dat Thema vun de plattdüütsche Schrievakschoon "Vertell doch mal" düt Johr. Noch bet to'n 28. Februar söcht de NDR tohoop mit Radio Bremen un dat Ohnsorg-Theater de besten Kortgeschichten op Platt. Yared Dibaba, de is düt Johr de Botschafter vun "Vertell doch mal". Man Stütt kriggt de Schrievakschoon ok vun anner prominente Lüüd: to't Bispeel vun Rolf Zuckowski!

Rolf Zuckowski to Besöök bi "Wi snackt Platt"

Musiker Rolf Zuckowski steht am Hamburger Hafen an der Elbe. Der Musiker feiert am 12.05.2022 seinen 75. Geburtstag. © picture alliance/dpa | Jonas Walzberg Foto: picture alliance/dpa | Jonas Walzberg
Ledermaker Rolf Zuckowski snackt Platt. Ok plattdüütsche Leder hett he schreven - to'n Bispeel för de Finkwarder Speeldeel.

Siene Grootöllern un Öllern hebbt domals mit'nanner Platt snackt, man nich mit em. "Bannig schaad!", seggt Rolf Zuckowski hüüt. Man liekers hett he later lehrt, Plattdüütsch to snacken - un twoors in de 1970er Johren vun Adi Albershardt, de domals de Speelbaas vun de Finkwarder Speeldeel weer. So hett Rolf Zuckowski denn in düsse Tiet ok anfungen, Plattdüütsche Leder för de Finkwarder Speeldeel to schrieven. Bi "Wi snackt Platt" vertellt he vun düsse Tiet un gifft Schrievtipps för de Lüüd, de mitmaken wüllt bi de plattdüütsche Schrievakschoon "Vertell doch mal".

Weitere Informationen
Auf einer Bühne stehen mehrere Personen in einer Reihe © NDR Foto: NDR Screenshot

Vertell doch mal: Katrin Griebenow gewinnt plattdeutschen Schreibwettbewerb

Ihre Geschichte "Barfoot" wurde mit dem ersten Preis ausgezeichnet. Im vergangenen Jahr hatte die Kölnerin den dritten Platz belegt. mehr

Eine Flaschenpost mit eine Zettel und @-Zeichen steckt halb im Sand an einem Strand. © Don Bayley Foto: RapidEye

För Dien digitalen Breefkasten: De NDR Platt-Post

Mit de NDR Platt-Post kriegt Ji mehrmals in't Johr Post vun'n NDR in Form vun en E-Mail. Dor steiht denn allens dat binnen, wat dat Nees an Platt geven deit bi uns. mehr

Hittfelder Speeldeel fiert Premieer

Margrit Bethke von der Hittfelder Speeldeel schminkt Axel Hansen, der die Hauptrolle in dem Stück "Düvel ok, Herr Paster" spielt, das am 5. Februar 2023 Premiere in der Burg Seevetal feiert. © Benita Brunnert (NDR) Foto: Benita Brunnert (NDR)
Margrit Bethke von der Hittfelder Speeldeel schminkt Axel Hansen, der die Hauptrolle in dem Stück "Düvel ok, Herr Paster" spielt, das am 5. Februar 2023 Premiere in der Burg Seevetal feiert.

"Düvel ok, Herr Paster" - so heet dat ne'e Stück vun de Hittfelder Speeldeel. An'n 5. Februar, dor fiert de Kummedie Premieer in’e Borg Seevetal, also direktemang vör de Dören vun Hamborg. In dat Stück, dor geiht dat üm en Mann mit Naam Freddie Schwarz. Freddie is en Clochard un Tippelbroder, un wiel he sik mal opwarmen un sien Kledaasch waschen will, stiggt he in en oolt Pfarrhuus in. Dor treckt he sik den Talar vun den Paster över un warrt so nu sülvst för den Paster hollen. En Verwesselkummedie par excellence! Kort vör de Premieer, dor lepen de Proven bi de Hittfelder Speeldeel nochmal op Hoochtouren. "Wi snackt Platt"-Reportersch Benita Brunnert hett bi de Hittfelder Speeldeel mal vörbikeken un stellt dat Stück vör.

Weitere Informationen
Kapitän wirft ein Seil © picture-alliance/ dpa Foto: DB Andreas Tamme

Eenmol in'e Week: De "Wi snackt Platt"-Podcast

Wat an plattdüütsche Kultur op de Bühn, in de Literatur oder in Films löppt - Ji kriegt dat mit bi "Wi snackt Platt" vun NDR 90,3. mehr

Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

"Wi snackt Platt" bringt de heemliche Mudderspraak vun uns Noorddüütschen ok in't Radio un in'n Podcast to'n Klingen. mehr

Orchideen-Experte Wolf Baus - Vördrag in'n Lichtwarksaal

Blüten einer weiß-lilafarbenen Orchidee © Colourbox Foto: -
Orchideen sünd woll mit de schönsten Bloomen, de de Natur sik utdacht hett.

Mank all de Blomen, de dat gifft, sünd se woll mit dat Schöönst, wat de Natur sik utdacht hett: de Orchideen. Üm un bi 40.000 Oorten vun Orchideen gifft dat - un wokeen düsse Blomen mal bi sik tohuus hatt hett, de weet, dat se veel Pleeg verlangt un ok "Know-how". Een Mann, de so richtig goot över Orchideen Bescheed weet, dat is Wolf Baus. An'n 9. Februar is he mit en plattdüütschen Vördrag in'n Lichtwarksaal vun'e Carl-Toepfer-Stiften in Hamborg to beleven. "Wakanki - de Tronen vun de Inkaprinzess. Spurensuche in Peru" heet de. Avends Klock söss geiht dat los. För "Wi snackt Platt" hebbt wi den Orchideen-Fachmann Wolf Baus mal bi sik tohuus in Hamborg-Bargsteed besöcht, wo he sik sien egen lütt Orchideen-Paradies opboot hett.

Weitere Informationen
Ein Kutter fährt auf einem Fluss. © imago images Foto: Imagebrokerfrederik

Dat Plattdüütsche Hörspeel - ok as Podcast!

Das Niederdeutsche Hörspiel - alle 14 Tage in den NDR Landesprogrammen zu hören - hier als kostenloses Audio-Abo für Ihren PC. mehr

"Jan Düvel" - Plattdüütsch Hörspeel mit Peter-Heinrich Brix

Peter Heinrich Brix, Schauspieler, geht bei einem Fototermin im Wald Klövensteen spazieren. © picture alliance/dpa | Georg Wendt Foto: picture alliance/dpa | Georg Wendt
In dat Höörspeel "Jan Düvel" is Schauspeler Peter-Heinrich Brix as jungen Paster to beleven.

Peter-Heinrich Brix is bekannt as "Adsche Tönnsen" ut de Fernseh-Reeg "Neues aus Büttenwarder". Nu is he mal wedder in een Plattdüütsch Höörspeel to hören. In "Jan Düvel", een Höörspeel ut dat Johr 1989, is he in de Hauptrull as jungen Paster to beleven. In dat Stück is "Jan Düvel" de Ökelnaam för en olen Discher un Plünnenhöker (speelt vun Walter A. Kreye), vun den de Lüüd seggt, dat he afsünnerlich is un mit den Düvel gemeensame Saak maakt. Dat Füer speelt en grote Rull in sien Leven. So wunnert dat de Lüüd ok nich, dat he jichtenswann sülvst bi en groot Füer in sien egen Huus üm't Leven kümmt. Kort vörher hett sik de junge Paster noch lang mit em ünnerhollen. Bi "Wi snackt Platt" vertellt wi Jo mehr över dat Höörspeel "Jan Düvel", in dat ok de unvergeten Schauspelerinnen Erika Rumsfeld und Ruth Bunkenburg to beleven sünd.

De Leder in uns Sennen:

  • Ganz goot - Norma
  • Help - Charmonia
  • Wenn de Wind dreiht - Rolf Zuckowski
  • Fröhjohrsbloom - Valentine & The True Believers
  • Deep in Dien Hart - Janina

Weitere Informationen
Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

Auf einem Schild, das an einer Hauswand hängt, steht "MOIN". © Christine Raczka / Colourbox Foto: Christine Raczka / stockwerk fotodesign

Die Welt snackt Platt: Alles rund um das Thema Plattdeutsch

Plattdeutsche Sendungen in Radio und Fernsehen im Überblick, das Wörterbuch oder aktuelle Norichten op Platt. mehr

Dieses Thema im Programm:

NDR 90,3 | Wi snackt platt | 05.02.2023 | 08:30 Uhr

Schlagwörter zu diesem Artikel

Plattdeutsch

NDR 90,3 Livestream

ARD Hitnacht

00:00 - 05:00 Uhr
Live hörenTitelliste