Wi snackt platt

Jungs un Deerns leest Platt un Fohrt an'e See

Sonntag, 11. Juni 2023, 08:30 bis 09:00 Uhr

Bi "Wi snackt Platt" geiht dat dütmal, blangen anner Saken, üm den plattdüütschen Lesewettstriet „Jungs un Deerns leest Platt“. Dat geiht an'e See to'n "Schiffsansagedienst Cuxhaven" - un wi stellt Jo uns Plattdüütsch Höörspeel "Wilma un Karl" vör.

Auch im Corona-Jahr 2021 fand in Hamburg der plattdeutsche Lesewettbewerb "Jungs un Deerns leest Platt" statt. © Jan Wulf Foto: Jan Wulf
AUDIO: Wi snackt Platt: Jungs un Deerns leest Platt un Fohrt an'e See (30 Min)

"Jungs un Deerns leest Platt": Endrunn-Gala bi Ohnsorgs

Thomas Bressau © NDR
Thomas Bressau is bi de Hamborger Schoolbehöörd tostännig för all de Wettbewewarven, de dat an Hamborger Scholen geven deit, so ok för "Jungs un Deerns leest Platt"

„Jungs un Deerns leest Platt“. So heet en Wettbewarv, den dat all twee Johr hier bi uns in’e Stadt geven deit. Schölersche und Schölers ut Hamborg leest dor Geschichten op Plattdüütsch vör. Üm un bi hunnert Junge Lüüd ut ünnerscheedlich Hamborger Scholen hebbt dütmal bi den Vörutscheed vun "Jungs un Deerns leest Platt" mitmaakt. Nu sünd de besten vun jüm an'n Sünndag, den 18. Juni, üm Klock 11 in't Ohnsorg-Theater to beleven. Vörlesen warrt de jungen Lüüd plattdüütsche Geschichten vun Autorinnen un Autoren, de hier bi uns ut den Noorden kaamt. Geschichten to'n Högen un Smustergrienen sünd dorbi, man ok ernste Texten. Modereern warrt de Veranstalten Sandra Keck - un singen warrt se ok: tohoop mit Schauspelersche und Schauspelers vun't Ohnsorg-Theater gifft dat Pop-Songs op Platt to höörn. För "Wi snackt Platt" hebbt wi uns mit Thomas Bressau vun de Hamborger Schoolbehöörd ünnerhalen. He is tostännig för all de Wettbewarven, de dat an'e Hamborger Scholen so geven doot. Un een lütten Vörgesmack op de "Jungs un Deerns leest Platt"-Gala in't Ohnsorg-Theater gifft dat ok: wi hebbt för Jo de "Geschicht vun't gröne Fohrrad" rutsöcht, de Philip Hintz bi'n letzten Wettstriet in't Johr 2021 vördragen hett.

Henwies: De "Jungs un Deerns leest Platt"-Gala is an'n Sünndag, den 18. Juni in't Ohnsorg-Theater. Vörmiddags, Klock 11 geiht dat los - un dat Beste is: kössen deit dat Ganze nix. Ji köönt dor eenfach vörbigahn un tokieken.

Tipp för en Utfloog: De "Schiffsansagedienst Cuxhaven"

Villicht hebbt Ji jo ok mal wedder Lust, en lütten Utfloog hen na de See to maken, to’n Bispeel na Cuxhaven! All de vun Jo, de al mal dor weern, villicht ok för en Sommerurlaub, de weet: Cuxhaven, dat bedüüdt toeerst mal Noordsee, Badestrand un Wattlopen. Wat een dor aver ok besünners goot kann, dat is „Schiffe kucken!“. Denn wenn dor in Cuxhaven de dicken Pötte vörbitrecken doot, denn maakt nich blots de Touris ut Bayern un Berlin grote Ogen, dat is ok för uns Noorddüütschen heel interessant. „Wat is dat denn för een Schipp?“ höört een de Lüüd denn faken fragen. Un de Antwoort dorop, de kriggt een bi’n „Schiffsansagedienst Cuxhaven“ – dat is so en beten wat as dat Willkommhöft hier bi uns in Wedel. Bernhard Koch, de weer annerletzt mal dor un hett de flietigen Ehrenamtlichen vun’n Schiffsansagedienst besöcht.

Plattdüütsch Hörspeel: Wilma un Karl

An'n Middewekenavend, dor is mal wedder Tiet för uns Plattdüütsch Hörspeel. “Wilma un Karl” so heet dat Stück dat Ji dütmal höört. Dat is de Geschicht vun een Fro un ehrn Kerl. De Twee sünd lange Tieden tohoop dör’t Leven gahn bet dat Schicksal toslaan hett... Bi "Wi snackt Platt" vertellt Jo Ilka Brüggemann mehr över dat Stück.

Moderatschoon: Jan Wulf

Weitere Informationen
Ein Seniorenpaar hält sich bei den Händen. © photocase Foto: xenias

Hörspiel: Wilma un Karl

Liebe, die länger als ein Leben lang hält: Wilma erzählt von ihrem Leben mit Karl, mit dem sie auf einem Bauernhof wohnte. mehr

Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

"Wi snackt Platt" bringt de heemliche Mudderspraak vun uns Noorddüütschen ok in't Radio un in'n Podcast to'n Klingen. mehr

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

Leute im Gespräch (Montage) © Fotolia Foto: Kevin Woodrow, drubig-photo

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr

Schlagwörter zu diesem Artikel

Plattdeutsch

Kapitän wirft ein Seil © picture-alliance/ dpa Foto: DB Andreas Tamme

Wi snackt Platt

Wat an plattdüütsche Kultur op de Bühn, in de Literatur oder in Films löppt - Ji kriegt dat mit bi "Wi snackt Platt" vun NDR 90,3. mehr

NDR 90,3 Livestream

Hamburg am Vormittag

10:00 - 15:00 Uhr
Live hörenTitelliste