Wi snackt Platt: To Besöök in't Hamborger Schoolmuseum
Sendung: Wi snackt platt | 20.04.2025 | 08:30 Uhr | von Bernhard Koch
31 Min
|
Verfügbar bis 20.04.2027
„Wi snackt Platt“ besöcht dütmal een vun de velen schönen Hamborger Museen: dat Schoolmuseum op St. Pauli. Mitarbeidersch Agnes Uken stammt ut Oostfreesland un vertellt allerhand över dat, wat een sik in’t Museum ankieken kann. Un wi stellt de Schauspelersch Daniela Wempner vör, de bi Rullenspele mit Schoolklassen un anner Gruppen en „Fräulein Lehrerin“ ut de Kaisertiet speelt. Dat Schoolmuseum köönt Eenzelbesökers maandaags bet fredaags vun Klock teihn bet veer ankieken, Gruppen köönt ok anner Tieden afmaken (mit Rullenspeel). Un geern al mal vörmarken: An’n 31. Oktober (Reformationsdag) gifft dat in’t Schoolmuseum – un in de annern Hamborger Museen – veel Programm, un allens för ümsünst.
Mehr infos to't Hamborger Schoolmuseum ünner www.hamburgerschulmuseum.de
Moderatschoon: Bernhard Koch
Dieser Artikel wurde ausgedruckt unter der Adresse:
https://www.ndr.de/903/Wi-snackt-Platt-To-Besoeoek-int-Hamborger-Schoolmuseum,audio1855022.html
