Narichten op Platt

Ut Hamborg und de wiede Welt von maandaags bit sünnavends Klock 9.30 - die aktuellen Nachrichten auf Plattdeutsch hören Sie von Montag bis Freitag um 9.30 Uhr bei NDR 90,3

Geld för Theaters un Museen

Hamborg hett losleggt mit'n groten Plaan, dör den Theaters un Museen nu nee un frisch maakt warrt. Dreehunnert Millionen Euro nimmt de Stadt dorför in'e Hand. Geiht altohoop üm dreeuntwintig Hüüs, de weer op Schick bröcht warrt. Kümmern deiht sik dorüm Sprinkenhof, de ja de Stadt tohöört. Kultursenater Carsten Brosda steiht dorför in, dat de Theaters un Museen för jümehr Programm oder Utstellen aver keen Cent weniger hebbt to'n Utgeven.
// Stand: 25.05.2018, Kl. 9:30

Straaf för late Flegers

Wenn Flegers an'n Hamborger Flooghaven avends na Klock ölven to laat losfleegt oder ok landt, schüllt de Airlines in'e tokamen Tiet noch mehr för betahlen. Blangen de högern Gebühren, de se nu al betahlen mööt, wenn dat avends al na Klock ölven is, kummt nu noch so'ne Oort Gebühr för dat Bearbeiden hinto. Fiefhunnert Euro schüllt de Floogsellschopen för jeden Fleger betahlen, de avends to laat is.
// Stand: 25.05.2018, Kl. 9:30

Ne'e Regeln för'n Datenschutz

In'e Europäischen Union güllt af vundaag ne'e Oplagen, wat den Datenschutz angeiht. Ünnernehmen, Verenen un Behöörden mööt sik an'e ganze Reeg ne'e Regeln hollen. De Lüüd schüllt so mehr wiest warrn un ok mehr Rechten kriegen. Wenn een sik nich an'e ne'en Regeln hollt, kunn dat en Geldstraaf geven. Hamborgs Beopdraagte för den Datenschutz Johannes Caspar hett aver al seggt, eerstmal schull een villicht Hülp kriegen, bevör een foorts Straafgeld opbrummt kriggt
// Stand: 25.05.2018, Kl. 9:30

Noordkorea steiht wieder praat

Noordkorea kunn sik jümmers noch vörstellen, dat se mit de USA snackt. So as dat Butenministerium in Pjöngjang dat seggt, wörr dat afstluuts nödig, dat een tohoopkummt. US-Präsident Donald Trump harr dat Drapen güstern afseggt un Noordkorea vörsmeten, dat se jüm böös gegenöver stünnen.
// Stand: 25.05.2018, Kl. 9:30

Wapen verbaden: Polizei kickt na

Hollt sik de Lüüd in Hamborg doran, dat op St. Pauli un an'n Hauptbahnhoff Wapen verbaden sünd? De Polizei wüll dat an't Wekenenn starker nakieken. In de tokamen beiden Nachten warrt dat dulle Kontrullen geven. Doraster stickt, dat dat in de verleden Maanden veel Attacken mit'n Mess geven hett.
// Stand: 25.05.2018, Kl. 9:30

Swümmer jümmers noch vermisst

In'e Elv warrt jümmers noch een Swümmer vermisst.Vundaag nu wüll de Polizei seggen, wat se ok wieder na den Keerl söökt oder nich. Güstern Avend hebbt se de Söök afbraken, ahn dat dor an´n Enn wat bi rutsuert is. So as Oogentügen dat seggt, harr de Keerl dicht bi de Fischauktionshall sien Kledaasch afleggt un wöör in't Water sprungen.
// Stand: 25.05.2018, Kl. 9:30

Dat Wedder för uns in Hamborg

Dor gifft dat vundaag nich veel to seggen to: Gifft man blots'n poor Wulken aver ganz veel Sünn. Dat blifft dröög bi Temperaturen vun bet to achtuntwintig Graad. Opstunns sünd dat negenteihn Graad in Fuhlsbüddel, wo se ja de en Lannbahn op Schick bringt. De Utsichten: Ok morgen ganz veel Sünn, wenig Wulken un dat bi sössuntwintig bet achtuntwintig Graad.
// Stand: 25.05.2018, Kl. 9:30

Diesel-Verbotten in Hamborg

Vundaag in een Week geiht dat los: De bunnswiet eersten Diesel-Fohrverbotten start in Hamborg. Se gellt in Altona för öllere Autos un LKW op Delen vun de Max-Brauer-Allee un de Stresemannstraat. Lüüd, de dat bekrittelt, seggt, dat de Streek blots kort weer un de Diesel blots üm twee Meet-Statschonen rümslängelt wöörn. // Stand 24.05.2018 Kl. 9:30

Podcast
NDR 90,3

Narichten op Platt als Podcast

NDR 90,3

Ut Hamborg und de wiede Welt von maandaags bit sünnavends: die aktuellen Nachrichten auf Plattdeutsch. mehr

NDR 90,3

Wi snackt Platt

NDR 90,3

Geschichten von uns Schrievers, Klönsnack mit Buurn, Handwarkers und Seelüüd, Leder von Godewind, Richard Germer und Heidi Kabel - jeden Sünndag Klock 8.30. mehr

Hör mal 'n beten to: Plattdeutsche Mittagsplauderei

Die plattdeutsche Mittagsplauderei hören Sie immer montags bis samstags um 13.20 Uhr bei NDR 90,3. mehr

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede Landeswelle des NDR ein plattdeutsches Hörspiel. Sehen Sie hier die Hörspiele und Sendetermine im Überblick. mehr

Mehr Kultur

28:57
NDR Info

Haiti Magazin: Städte mit Geschichte

27.05.2018 07:30 Uhr
NDR Info
02:31
Schleswig-Holstein Magazin

KRD entschärft Fliegerbombe in Kiel

25.05.2018 19:30 Uhr
Schleswig-Holstein Magazin
02:49
Hamburg Journal

Japanisches Kirschblütenfest startet

25.05.2018 19:30 Uhr
Hamburg Journal