Narichten op Platt

Ut Hamborg und de wiede Welt von maandaags bit sünnavends Klock 9.30 - die aktuellen Nachrichten auf Plattdeutsch hören Sie von Montag bis Sonnabend um 9.30 Uhr bei NDR 90,3

Ne’e Flaneermiel in de Binnenstadt

Nich mehr lang, denn warrt in de Hamborger Binnenstadt ok de Ne’e Jungfernstieg to Buu-Stell. NDR 90,3 hett to weten kregen, dat vör dat „Hotel Vier Jahreszeiten“ en Flaneermiel entstahn schall, mit en ne’en Footstieg un Radweg. Dat Ümbuen tosamen betahlen, dat wüllt de Stadt un de Lüüd, de de Grundstücken tohören doot. // Stand: 16.10., Klock 09:30

 

 

 

Staatsrätin mutt gahn

Wat de Maleschen angeiht wegen de Rolling-Stones-Koorten för Behöörden-Mitarbeiders, dor kummt nu nochmal wat achterna. De Senaat hett de Gesundheits-Staatsrätin Elke Badde vun de SPD in’n Rohstand versett. Se is anklaagt, denn se schall Konzertkoorten för to billig annahmen hebben. De Staatsanwaltschop smitt Badde ok noch vör, se schall nadrääglich Freekoorten genehmigt hebben för den domaligen Bezirksamtsbaas Harald Rösler. // Stand: 16.10., Klock 09:30

 

 

 

Keen Direkt-Fleger mehr na USA

Mit ‘n Fleger direkt vun Hamborg na de USA, dat hett nu woll en Enn. Toletz weer blots noch een Maal an’n Dag de Floogsellschop United na New York ünnerwegens, aver welk Medien hebbt mellt, dat na de Winterpaus, de nu al ingang is, Sluss ween schall. Disse Winterpaus harrn se al inföhrt wegen to wenig Nafraag. // Stand: 16.10., Klock 09:30

 

 

 

Wackelt Seehofer sien Stohl?

Nadem dat de CSU bi de Landdagswahl so slecht afsneden hett as meist gor nicht tovör, dor kummt Horst Seehofer nu in de Bredullje. Güstern Avend hett de eerste CSU-Kreisverband künnig maakt, se weern dorför, dat de Partei en ne’en Baas kriggt. Seehofer will hüüt Middag in Berlin seggen, wat an de Bunnspolitik na disse Wahl anners warrn schall. // Stand: 16.10., Klock 09:30

 

 

 

Ne’e Fangquoten för de Oostsee

De EU hett ne’e Fangquoten beslaten, wat dat Fischen in de Oostsee angeiht. Tokamen Johr dröövt de Fischers blots noch halv so veel Heerns fangen as nu. Meeresforschers harrn sogor wullt, de Heerns schullen dat ganze Johr in Roh laten warrn, dat de Bestand wedder anwassen kann. Anners bi de Dösch un de Schullen, vun de dröövt de Fischers nu mehr fangen as betto. // Stand: 16.10., Klock 09:30

 

 

 

Lanndagswahl in Bayern

Bi de Lanndagswahl in Bayern hebbt CSU un SPD düchtig Feddern laten. De SPD is op negen Komma söven Perzent afrutscht. Winner bi de Wahl sünd de Grönen. Mit söventeihn Komma fief Perzent sünd se de tweetgröttste Partei. De CSU verleert teihn Punkte un will nu op en Koalitschoon mit de Fre’en Wählers los. De sünd op ölven Komma söss Perzent landt. De AfD kümmt op teihn Komma twee Perzent, de FDP op fief Komma een. // Stand 15.10.2018 Klock 09:30

 

 

Wat de Parteien in Hamborg to de Wahl seggt

De Parteien in Hamborg hebbt to dat, wat bi de Wahl in Bayern rutsuert is, verscheden Menen. Katharina Fegebank vun de Grönen sä in’t NDR Hamborg Journal, dat hett en Ledderbüxen-Revolutschoon geven. Hamborgs SPD-Fraktschoons-Böverste Dirk Kienscherf meent, de Striet vun de grote Koalitschoon in de Flüchtlingspolitik is Schuld an dat slechte Afsnieden vun de Soziaaldemokraten. Un de Baas vun de AfD, Dirk Nockemann, glöövt, sien Partei steiht so goot dor, wieldat SPD un CSU bi den Wahlkamp in een Tour gegen de AfD wettert hebbt. // Stand 15.10.2018 Klock 09:30

 

 

Afschuven vun Motassadeq

De Hamborger Terrorhölpsmann Mounir al Motassadeq kunn vun hüüt op an na sien Heimatland Marokko afschaven warrn. He sitt wegen - wat dat heet - „Bihölp to’n Moord“ bi de Anslääg vun’n ölventen September in de JVA Fuhlsbüddel achter Trallen. Dat dat Afschuven denn man ok klappt, wüllt se mehr dor noch nich to künnig maken. //Stand 15.10.2018 Klock 9:30

 

 

Podcast
NDR 90,3

Narichten op Platt als Podcast

NDR 90,3

Ut Hamborg und de wiede Welt von maandaags bit sünnavends: die aktuellen Nachrichten auf Plattdeutsch. mehr

NDR 90,3

Wi snackt Platt

NDR 90,3

Geschichten von uns Schrievers, Klönsnack mit Buurn, Handwarkers und Seelüüd, Leder von Godewind, Richard Germer und Heidi Kabel - jeden Sünndag Klock 8.30. mehr

Hör mal 'n beten to: Plattdeutsche Mittagsplauderei

Die plattdeutsche Mittagsplauderei hören Sie immer montags bis samstags um 13.20 Uhr bei NDR 90,3. mehr

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede Landeswelle des NDR ein plattdeutsches Hörspiel. Sehen Sie hier die Hörspiele und Sendetermine im Überblick. mehr

Mehr Kultur

43:38
NDR 1 Welle Nord

Joja Wendt - Star der 88 Tasten

16.10.2018 20:00 Uhr
NDR 1 Welle Nord
01:31
NDR//Aktuell

Ausstellung: Die Revolution von 1968

16.10.2018 16:00 Uhr
NDR//Aktuell
01:51
NDR//Aktuell

Vorgehen gegen Hasskommentare auf Facebook

16.10.2018 14:00 Uhr
NDR//Aktuell