Narichten op Platt

Ut Hamborg und de wiede Welt von maandaags bit sünnavends Klock 9.30 - die aktuellen Nachrichten auf Plattdeutsch hören Sie von Montag bis Freitag um 9.30 Uhr bei NDR 90,3

Töven op Uurdeel för Dieselautos

As eerste Stadt in Düütschland kunn dat in Hamborg een Fohrverbott för öllere Dieselautos geven. Vundaag verhannelt dat Bunnsverwaltensgericht in Leipzig doröver, wat sowat grundsätzlich överhaupt tolässig is oder nich. In Hamborg kunn dat Dele vun de Stresemannstraat un de Max-Brauer-Allee drapen. Hier is de Luft besünners slecht.
// Stand: 22.02.2018, Kl. 9:30

Hamborg slecht vörbereidt op digitale Daten

Hamborgs Verwalten is bit nu man blots slecht dorop vörbereidt mit digitale Akten ümtogahn. Dat bekrittelt Hamborgs Datenschutzbeopdraagte Johannes Caspar. Bit nu wöör dat rechtlich man noch gor nich regelt, wokeen vun de Behöörden op de persönlichen Daten vun de Börgers togriepen dröff un wokeen nich. Dat aver wöör man wichtig to´n Bispeel för Boandrääg oder bi´t Anmellen vun‘t Auto över´t Internet.
// Stand: 22.02.2018, Kl. 9:30

Lehrers in Amerika mit Wapen?

Güng dat na US-Präsident Donald Trump geev dat an Scholen mehr Sekerheit, wenn ok de Lehrers Wapen harrn. Düssen Vörschlag möök he güstern, as he sik mit Överlevende vun Amoklööp drapen hett. Vör een Week sünd bi en Massaker an en School in Florida söventeihn Minschen dootschaten worrn. Sietdem demonstreert vele Schölers in de USA dorför, dat een dat Wapenrecht scharper maken deit.
// Stand: 22.02.2018, Kl. 9:30

Gesettliche Krankenkassen geiht´t finanziell goot

De gesettlichen Krankenkassen geiht dat finanziell woll so goot as lang nich mehr. In dat verleden Johr geev dat en Överschuss vun dree Milliarden Euro. So schrifft dat de Frankfurter Allgemene Zeitung. De Reserven vun´e Kassen sünd dormit denn op negenteihn Milliarden Euro stegen. Dat liggt woll an de gode Wirtschopslaag un doran dat veel Lüüd in Arbeit sünd.
// Stand: 22.02.2018, Kl. 9:30

Hamborgs ZOB schall utboot warrn

Hamborgs Zentrale Bus-Bahnhoff - de ZOB - warrt vun jümmer mehr Fernbussen anföhrt un schall nu utboot warrn. Plaant sünd noch een Busstieg dorto, gröttere Anzeigtafeln un en Leitsystem för Blinne. So as NDR 90,3 to weten kregen hett, sünd in´t verleden Johr negenunachtigdusend Bussen afföhrt. Dat sünd veer Perzent mehr as dat Johr tovör. An Fohrgäst kunn man seggen, wöörn dat vergangen Johr üm un bi söss Millionen Lüüd.
// Stand: 22.02.2018, Kl. 9:30

Guldene Kamera vundaag in Hamborg

Op dat Hamborger Messegelände warrt vunavend de Guldene Kamera vergeven. Hier töövt se op Hollywood-Stars, so as Naomi Watts un Liam Neeson. Vergangen Johr harrn‘s de Lüüd bi de Guldene Kamera mit´n Dubbelgänger an´e Nees rümföhrt. Op de Bühn stünn de verkehrte Ryan Gosling, de den Pries för den Film "La La Land" annahmen hett. Dorop hin hett dat ZDF nu dütmal jümehr Konzept, wat de Sekerheit angeiht, verännert.
// Stand: 22.02.2018, Kl. 9:30

Exakt un kompakt - Dat Wedder för uns in Hamborg

Vundaag gifft dat veel Wulken, wenig Sünn un hier und dor kaamt jümmers ok mal de een oder annern Schneeflocken von baven un dat bi nich mehr as dree, veer Graad. Opstunns sünd dat noch null Graad in Fuhlsbüddel. De Utsichten: Morgen gifft dat veel Sünn, dat blifft dröög bi dagsöver nich mehr as dree Graad, de sik aver anföhlt as minus dree Graad.
// Stand: 22.02.2018, Kl. 9:30

Urlauber-Hoochstand

Jümmer mehr Lüüd kaamt as Urlaubers na Hamborg. Verleden Johr hebbt hier söss Komma acht Millionen Minschen övernacht‘. Dat is ne'e Hoochstand, heet dat bi de Tourismus GmbH. Tourismus-Manager seggt, dat liggt an twee Saken: de Elvphilharmonie un ne'e Floogverbinnen vun Billig-Flegers. De mehrsten butenlännschen Urlaubers kaamt ut Däänmark.
/ Stand: 21.02.18 Klock: 09:30

Podcast
NDR 90,3

Narichten op Platt als Podcast

NDR 90,3

Ut Hamborg und de wiede Welt von maandaags bit sünnavends: die aktuellen Nachrichten auf Plattdeutsch. mehr

NDR 90,3

Wi snackt Platt

NDR 90,3

Geschichten von uns Schrievers, Klönsnack mit Buurn, Handwarkers und Seelüüd, Leder von Godewind, Richard Germer und Heidi Kabel - jeden Sünndag Klock 8.30. mehr

Hör mal 'n beten to: Plattdeutsche Mittagsplauderei

Die plattdeutsche Mittagsplauderei hören Sie immer montags bis samstags um 13.20 Uhr bei NDR 90,3. mehr

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede Landeswelle des NDR ein plattdeutsches Hörspiel. Sehen Sie hier die Hörspiele und Sendetermine im Überblick. mehr

Mehr Kultur

28:30
NDR Fernsehen
02:05
Hamburg Journal

Stadthöfe: Streit um Erinnerungsstätte

22.02.2018 19:30 Uhr
Hamburg Journal
00:46
Nordmagazin

Ausstellung: "Vernichtender Fortschritt"

22.02.2018 19:30 Uhr
Nordmagazin