Spiekermann, USA, New Orleans © Gerd Spiekermann Foto: Gerd Spiekermann

USA - so as dat mutt

Sendung: Hör mal 'n beten to | 23.05.2022 | 10:30 Uhr | von Gerd Spiekermann
2 Min | Verfügbar bis 31.12.2099

Gerd Spiekermann hat sein Mikro eingepackt und berichtet aktuell aus Amerika. Erstes Ziel: New Orleans.

USA – so as dat mutt
Hi guys– oder Moin, Moin ut New Orleans, wo mien Fro un ick to Tiets op Tour sünd. Ick as olen Jazzer mööt doch eenmol de Stadt beleevt hebben, wo de Jazz in de Welt komen is,
Wat di glieks opfallt, wenn du in de USA inreisen deist, hier löppt allens so af as dat mutt. Avers jümmers fründlich. Denn wenn dat mol hokeln deit – biˋt Instiegen in den Fleger t.b., denn heet dat Sorry! Excuse me! Deit mi leed. As wi von Hamborg över Amsterdam in Atlanta ankemen, denn güng´t ja dör den Toll. Hier wardˋt eernst: du betrettst amerikoonschen Bodden. Nu heet dat upmol: This way, please. Pass vörwiesen, Fingerafdrücke. Cash? Borgeld? 500 Dollar. Welcome in the USA.
Nu overs gau wieder, denn wi mööt den Fleger no New Orleans noch kriegen. Endlich: Gate number 12. Dat Schild blinkt: boarding. Vör us noch een Keerl, denn sünd wi an de Reeg. Hier, our boarding pass, please. Doch de Fro von Delta Airlines mookt eenfach vör us de Dör no de Gangway dicht. Wat is los? You are too late. Wat, wi sünd to loot komen? Man de Mann vör us is doch ook noch … Too late! Sorry.
Wi sünd von Hamburg över Amsterdam hierher flogen, 11 S un nu fehlt us ene Minuut? De Fro kickt mi an: Sorry.
As ick al sä, in de USA löppt dat so as as dat mutt, un fründlich. Ja! Sorry!
Man keen Bang: wi hefft den neegsten Fleger nohmen un twee Stunnen loter weern wi in New Orleans. Dor vertell ick bold mehr von. Bye!

Hier gibt es mehr Plattdeutsch:

Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch

Ein Porträt der Hör mal 'n beten to Autorin Kerstin Kromminga. © Kerstin Kromminga

Kolumne: Hör mal 'n beten to "Urlaubsplaans"

Kerstin Kromminga hat ihre Urlaubsplanung immer wieder zurückgestellt haben. Doch damit ist jetzt Schluss. mehr

Ein Mikrofon. © NDR Foto: Gitte Alpen

Die "Hör mal'n beten to"-Autoren allmitnanner

Sehen Sie hier die Autorinnen und Autoren unseres täglichen Plattschnacks im Bild. Bildergalerie

Junge Frau flüstert einem Mann etwas ins Ohr. © Fotolia.com Foto: olly

Hör mal 'n beten to

Die plattdeutsche Morgenplauderei als kostenloses Audio-Abo für Ihren PC. mehr