Töven se en lütt' Momang

Jetzt sind Nerven, Geduld und Gelassenheit gefragt. Annie Heger hängt mal wieder in der Telefon-Warteschlange fest und die Pausenmusik dudelt und dudelt.

"Düdüdüdü - Dadada - Verleden Week weer weer disse Moment: Ik wull blot heel kört bi de Bank anropen un en Miniminiding nafragen, gaar nich so wichtig, aver gifft ja so Saken, de mutt een even liekers doon. Un batz, ik harr egentlik blot mien Naam seggt un swupps weer ik in en Sleif van Düdüdü un Dadada. Un denn keem dat so as dat immer bi mi kummt, bi jo viellicht ok? Wenn Du na 30 Minuten Düdüdü un Dadada di denkst, nu ennelk in dat Brood to bieten, dat Du di vull Toversicht vör't Anropen smeert hest un daar nu al disse hele Sett liggt un töövt un de Wuss al anfangt in Sweet to komen un so rechtschapen dörweekt van de Remoulaad - natürelk jüst in disse Ogenblick, wenn Du waagst rintobieten, maakt dat up Maal Klick in de Hörer un en Stimm seggt: "Bank Comfort Service, was kann ich für Sie tun?"

Hier gibt es mehr Plattdeutsch:

Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch