In Japan hen na Tante Meier

Gerrit Hoss unternimmt eine Reise auf ein stilles Örtchen, das voller Überraschungen steckt.

"In Japan hen na Tante Meier"
Wenn en mal kott na Tante Meier hen mutt. Ja dor maakt wi hier in Düütschland ja nich so'n Buhei üm. Schnackt en halt nich grootardig över. Un dat Ambiente op so en Klo - egal ob Tohuus, Autobahnraststätt oder Büro - is bi ja eher schlicht.

Anners in Japan (ja wo ok sünst). Dor ward de Gang to en Hightech-Exkursion. Op jeden Fall gifft dat, wenn Du mal to Besöök büst överall extra Klo-Puschen, de Du denn antrecken schasst. So un wenn Du denn de Döör opmaakst, denn kann dat sien, dat de Toilette so utsüht as de Controller vun en Videospeel. Dor gifft dat Funktionen, wo wi hier nur vun dröömt: Man erstmal dahlsetten. Ja un denn markst Du al de hitte Klobrill. Dor is nämlich en Heizspiral binnen. So un denn maak di op't best vörher mit de ganzen Knööp vertruut.

Dor gifft dat twee Funktion as "Intimduusch" för - na ik segg mal mehr för achtern un sogar Intimduusch mehr för vöörn"? - Ok noch dor: Un haalt Di fast - en Geräuschünnerdrücker. Keen Scherz! Dat (hett en mi verkloort) hangt dor mit tosamen, dat de Wänn in Japan woll veel dünner sünd as hier. Wenn Du drückst, gifft dat denn luut Musik oder anner Geräusche. So dat en ganz ungeneert losleggen kann.

Un blangenbi noch en Knopp, de den Röök ünnerdrückt. Also wo de Minschheit fröher mal en Rietsticken antünnt hett, gifft dat nu ok endlich! en Hightech-Lösung för. Wat de Minschheit nich för feine Ideen hett.

Dösig blots, dat dor allens in japansche Schriftteken steiht. Blots nich falsch drücken, wenn Du al wedder antrocken dorvör steihst. Denn kann de Besöök ganz schön in de Büx gahn.

Hier gibt es mehr Plattdeutsch:
Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch