Engelsch spoken

Unser Urlauber und "Hör mal 'n beten to"-Auslandsreporter Gerd Spiekermann berichtet wieder aus Amerika: Diesmal geht es um Begrüßungs- und andere Alltagsfloskeln.

"Engelsch spoken"
Hi guys oder Moin, Moin ut Amerika. Tja nu sünd wi al acht Weken in Uncle Sam sien Land ünnerwegens, overs över de Snackeree hier mööt ick mi doch noch jümmers wunnern. To'n Bispill: wenn du een bemöten deist - in'n Loden, in een Museum oder een Lokool, denn kriggst du foors to hööörn: How are you doing? Wo geiht di dat? Eerst heff ick dacht: Wat geiht di dat an un heff eenfach seggt: Okay. Dat geiht gor nich! Du seggst: Fine! And you, how are you doing? Un wo geiht di dat? Un denn höörst du: I'm fine too. Mi geiht dat ook goot.

Wo wi al von Lokale snackt: Wullt du wat drinken, denn möößt du di goot utkennen: Ene Cola Light heet Diet Coke, overs Budlight is hier een ganz normal Beer. Möößt du mol wo hen, denn froog jo nich noch de Toilette, de toilet, dat heet hier Restrooms. Un so sünd de ook: Gerümig - mit veel Luft ünnen rüm un, wenn du groot genoog büst, to'n Röverkieken boben.

Lang överleggt heff ick ook bi de Schiller in de Bussen un U-Bohnen. Överall steiht: Stand clear of the door! Schall ick so stohn, dat de Fohrer oder den Fohrersche weet, dat ick nu utstiegen will? Gegendeel! Du schasst von de Döör wegblieven, is dat clear, äh, klor? Un wenn dat noch nich clear is, denn kriggst du to höörn: Goh eenfach up use Homepage: www.wmata.com. Okay, ick versöök dat glieks mol up mien Handy, nee, dat heet hier mobile telephone. Got that? Hest du dat verstohn? Ja, Fine! See you, Take Care un Bye! Ja, ook bye bit to'n neegsten Mol.

Hier gibt es mehr Plattdeutsch:
Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch