Hochtied

Thomas Lenz bekommt alles mit, was in d er Nachbarschaft läuft. Da muss er nur mal wieder in seiner Stammkneipe vorbeischauen.

Ach, du schöne Fröhjohr: Böm schlagen ut, Katten kriegen Nahwuß, un Minschen verheuraden sik, wiel't so romantisch is nu.
Bi weckern is man ok hoge Tied. Dormit de Ehe noch vör, nich nah dat ierst Kind kümmt. Gifft Lüüd, för de is dat hüüt noch wichtig, oder wedder wichtig. Vör allen för de, de ehr eigen Jugend lang vergeten hebbt. Annerletzt bi Kräuger Korl. Steffi kümmt rin, kippt sik wat achter de Kiemen un zackerert sik öwer ehr Dochter einen af.
Steffi is heel patent, normalerwies, man wenn sik dat üm Hanna dreiht, denn dreiht sei dörch.
Hanna is ehr öllste Diern un hett mit knapp negenteihn nu ornlich utleggt, vörnrüm, den Buk, un weet al, dat dat'n Jung ward un dat sei den annern Jung, de ehr in düsse „Situatschon“ bröcht hett, fix heuraden will, vördem dat Kind kümmt.
Steffi kriggt sik gor nich wedder in. Sei föhlt sik so jung un moet nu Oma warden! Un för Hanna is dat veel to fröh, ehr Fründ is noch in de Utbillen, sei op de School, de verbugen sik dat Leven, sünd doch sülwst noch halwe Kinners! -
Ik grien. Moegen de sik? -
Joa, dat is de grode Leew, de hangen blots noch openanner, du, dat is ok nich gesund! -
Aha. Du segg mal, wo old büst du west, mit Hanna? Söventeihn? -
Dat sünd doch anner Tieden west! -
Wat hett Dien Mudder seggt? -
Dat speelt doch gor keen Rull!


Hier gibt es mehr Plattdeutsch:

Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch