Zeus un Co

Zeuss un Co

Werner Momsen hat sich die komplizierten und auch teils skandalösen Familienverhältnisse bei den alten griechischen Göttern genauer angesehen.

Dag ok, Momsen hier, de weltliche Popp. Oder schal lik lever „Salve“ seggen? Mien Achtermann hett grad Asterix lest un studeert nu, welke von de Götters vör wat wörrn. De harrn jo mehr as blots een. Ok
Göttinnen. Dor denn Öberblick to beholen, keen wat mit keen harr un keen wörum nich mit keen könn, is nich eenfach! De hebbt sik to Levtieten jo schlimmers anstellt, as man dat vondaag bi Netflix sehn kann. Zeus hett sien Schwester Hera heirat, mit ehr veer Kinner kregen, denn aber noch an jede Tunika zuppelt de em ünner de Finger kamen is. Ut düsse uterehelichen Scheeperstünnen sünd ünnerannern noch Apollon, Artemis, Herakles un de schöne Helena rutkamen. Vun good 50 Zeus-Kinner lest man allen bi Wikipedia. Wenn Hera nich so erfersüchtig wesen wör un tohuus nich mit dat Nudelholz töft harr, wörrnt wohrschienlich noch mehr. Tragisch, dat Hera de Schutzgöttin vun Ehe un Niederkunft is un ehr Keerl un Broer dör all griechischen Betten sprungen is. Aber de ganzen Zeus, hebbt nix anbrennen laten.


Hier gibt es mehr Plattdeutsch:

Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch