Knaken twei

Ralf Spreckels Nachbar hat sich verletzt, er will aber partout nicht erzählen, wie das Malheur denn nun genau passiert ist.

"Ik drööp Rolf un Fru bi't Spazeerngohn. Rolf hett sik den Dumen broken. As he mi dat ingipste Deel vör de Nääs hööl, heff ik em vertellt, dat ik sowat ok al maal harr. Lang her, as ik ut en Emmer fullen bin. "Nee, nee," winkt he af, so eenfach is dat bi mi nich wesst. Ik bin ut't Bett fullen." "Ut't Bett fullen? Wo kann dat denn angohn?" Sien Fru güng al wieder. He wind sik so'n beten un ik mark, dat he Möh hett ut'n Druck to kamen. "Kumm, segg de Wohrheit, Rolfi, hesst villicht een in Tee hatt?" "Nöö, dat wiss nich." Ik: "Aver een markt doch, wenn Rutfallen ut de Puch drauht. So deep kann een doch gor nich slapen." He süüfzt: "Is doch egool un ehrlich seggt, ik heff jo nich slapen. In Gegendeel. Op jeden Fall hett dat aasig wehdoon." Ik heff nich spitz kregen, worüm he sik so tiert hett. Naja, is jo siene Saak. Geiht jo keeneen wat an."

Hier gibt es mehr Plattdeutsch:

Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch