1- und 2-Cent-Münzen in einem roten Portemonnaie © picture alliance / Jens Kalaene/dpa-Zentralbild/dpa Foto: Jens Kalaene

Giezknaken

Sendung: Hör mal 'n beten to | 01.06.2022 | 10:40 Uhr | von Thomas Lenz
2 Min | Verfügbar bis 31.12.2099

Dor harrn sik je twee wedder drapen. Bi Kröger Korl in'n Krog. Jannis un Marc. Beste Frünnen un Giezknaken, de sik egolweg in'e Hoor liggen.
Seggt de een: Ik würr dien Geld lewer noch to Leewtieden verbruken, denn dor, wo du achternah henkümmst, würr dat blots verbrennen!
De anner: Dat seggt de richtige. As du dien Verloben mit düsse Trantüddel-Tussi löst hest, hest to den Ring ok noch dat Etui trüggfordert!
Thomas Lenz sitzt gern in der Dorfgaststätte und beobachtet die Menschen am Nachbartisch. Diesmal bekommen die Geizigen ihr Fett weg.

Tja, grient de eerst, toerst weer sei mi leew un düer, an't ennen blots noch düer, un dat weer mi to düer. -
Du büst doch bekloppt, seggt de eerst, öwer kiek, dor buten, Hilda kümmt, mal seihn, wat Korl nu makt.
Kröger Korl, as vun de Tarantel stickelt, rönnt dörch den Laden un verdelt Korten op de friegen Dische: Reserviert! Blots an'e Dör, wo't treckt, lött he wat frie.
Hilda un Fründin treckt schewe Schnut, ordert man liekers: för ehr Schiwawa-Taschentöhl wat to supen un för sik'n schwarte Tee. Een Tee för twee. De Fründin wull lewer blots Glas Leitungswater.
An't Ennen de Reken: 12,80 Euro! -
Wat? Wi harrn blots Tee!
Korl grient: Joa, Tee 2,90, Leitungswater 2,50, Hundewater 6,90, de Pott moet je opwennig wedder reinmakt warden! -
Dat is Wucher! -
Nö, steiht allens op de Kort! -
Un dat is wißlich wohr: För so'n Spor-Voß-Lüüd, de öwer Stunnen Disch besett un nix bestellt, hett Korl'n eegen Kort makt.
Hach, wat moegt wi em; man Hilda, glöw ik, kümmt nu sooo fix nich wedder.

Hier gibt es mehr Plattdeutsch:

Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Annie Heger blickt in die Kamera. © Agentur Maurischat Foto: Jan Jagusch

Kolumne: Hör mal 'n beten to "Töven se en lütten Momang"

Annie Heger hängt mal wieder in der Telefon- Warteschlange fest und die Pausenmusik dudelt und dudelt. mehr

Ein Mikrofon. © NDR Foto: Gitte Alpen

Die "Hör mal 'n beten to"-Autoren allmitnanner

Sehen Sie hier die Autoren unseres täglichen Plattschnacks im Bild. Bildergalerie

Junge Frau flüstert einem Mann etwas ins Ohr. © Fotolia.com Foto: olly

Hör mal 'n beten to

Die plattdeutsche Morgenplauderei als kostenloses Audio-Abo für Ihren PC. mehr