Wi snackt platt

Christianne Nölting föhrt Lännerzentrum för Nedderdüütsch

Sonntag, 04. März 2018, 08:30 bis 09:00 Uhr

Se is de Geschäftsföhrersch vun’t ne’e Lännerzentrum för Nedderdüütsch: Christianne Nölting - Germanistin, Journalistin, Mudder, Plattaktivistin. Dat ne’e Lännerzentrum för Nedderdüütsch arbeit siet Anfang März mit de finanziell Stütt, de vörher dat Institut för nedderdüütsche Spraak (INS) in Bremen kregen harr. Ok nadem de Länner Hamborg, Sleswig-Holsteen, Neddersassen un Bremen nu ehr egen Institutschoon gründt hebbt, will dat INS wiedermaken. Beide - dat ole Institut un dat ne’e Lännerzentrum - richt sik op en Koexistenz in un wüllt de tokamen Daag döröber snacken, so Nölting. Ehren egen Swoorpunkt leggt se op de Utbillen: Plattdüütsch in Kinnergorrns, Scholen, Universitäten, man ok in de Pleeg un in’t Arbeistleven. In’n Klöönsnack mit Jan Graf kiekt Nölting op de ersten hunnert Daag, de nu anstaht: “Wi mütt erstmal Rüümlichkeiten un Mitarbeider…”

Op’n Padd in Altnaa-Noord

Bild vergrößern
Altnaa - de Heimaat vun Gerd Riehm

Swatten Köhlenstoff versoort de witte Wäsch, en Damp-Lok kracht daal op de Straat - Gerd Riehm is direkt an’n Bahnhoff opwussen un kann Masse vertellen öber sien Stadtdeel. Benita Brunnert weer wedder op’n Padd, dütmal in Altnaa-Noord. Wokeen uns ok mal sien Stadtdeel wiesen will, de schrifft en Mail an 903platt@ndr.de. Hamborg hett hunnertveer Stadtdele, dat heet, dor is noch heel veel to vertellen.

Musik

  • Timsen un sien Lüüd: Hüüt is mien Daag
  • Fiede Kay: De ole Kaat
  • Gerrit Hoss: In disse Tied
  • Norma: Renn nich weg
  • Valentine & the true believers: Fröhjohrsbloom

Moderatschoon: Jan Graf

 

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung743480.html