Wi snackt platt

Ove Thomsen hett dat Kinnerbook "Regen in'n Kopp" schreven. In de Geschicht geiht dat üm en lütten Ameisenbär, de Depreschonen hett. Schreven is dat Book op Hooch- und Plattdüütsch.

Dütmal geiht dat bi "Wi snackt Platt" blangen anner Saken üm Ove Thomsen sien ne'et Kinnerbook "Regen in'n Kopp", üm 25 Johr Plattkrink Berne un en negen Johr ole Deern ut de Ukrain, de en plattdüütschen Leeswettstriet wunnen hett. Dorto köönt Ji Jo op den "Oosterspazeergang" vun Goethe freien - op Platt versteiht sik!

Oosterspazeergang, Regen in'n Kopp un Plattkrink Berne

So süht dat ne'e Kinnerbook vun Ove Thomsen ut. Rutbröcht hett dat de JUMBO-Verlag, dat hett 40 Sieden un kössen deit dat 16 Euro.

To Oostern treckt dat ja wedder vele Lüüd rut in’e Natur - un dat weer ok al in ole Tieden so! Ganz besünners schöne Wöör hett dorför mal Johann Wolfgang vun Goethe in sien „Faust“ funnen. Freit Jo bi "Wi snackt Platt" op den Oosterspazeergang op Platt, översett un vördragen vun Friedrich-Hans Schaefer. Dorto stellt wi Jo dat ne'e Kinnerbook "Regen in'n Kopp" vun den Hamborger Musiker un Autor Ove Thomsen vör, dat geiht üm en negen Johr ole Deern ut de Ukrain, de bi sik an'e School en plattdüütschen Leeswettstriet wunnen hett, un wi besöökt de Plattsnackers vun'n Plattdüütschkrink in Farmsen-Berne. 25 Johr gifft dat den nu al, un an'n Dunnersdag, dor warrt dat in'n Kriegkamp 21 (nich wiet weg vun'n U-Bahnhoff Berne) ok fiert. Avends Klock söven geiht dat dor los.

Moderatschoon: Jan Wulf

Weitere Informationen

För Dien digitalen Breefkasten: De NDR Platt-Post

Mit de NDR Platt-Post kriegt Ji mehrmals in't Johr Post vun'n NDR in Form vun en E-Mail. Dor steiht denn allens dat binnen, wat dat Nees an Platt geven deit bi uns. mehr

De Leder in uns Sennen:

Ik al alleen - Knipp Gumbo
Fröhjohrsbloom - Valentine & The True Believers
Kumm giff mi diene Hand - Speellüüd
Regen in'n Kopp - Ove
Gedeckte Appeltorte - Charly Beutin

Weitere Informationen

Wi snackt Platt bei NDR 90,3

"Wi snackt Platt" bringt de heemliche Mudderspraak vun uns Noorddüütschen ok in't Radio un in'n Podcast to'n Klingen. mehr

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr