Wi snackt platt
Sonntag, 01. Januar 2023, 08:30 bis
09:00 Uhr
Bi "Wi snackt Platt" jumpt wi rin in't ne'e Johr mit vergnöögliche Hamborg-Riemels und Geschichten vun Benno Strandt, Arnold Risch und Reimer Bull.
Lachen mit Benno Strandt un Edgar Bessen
De Hamborger Dichtersmann Benno Strandt hett nich blots Geschichten un Gedichten schreven. Ok de Texten vun vele Leder vun Richard Germer sünd vun em. Een poor kennt Ji villicht: „Hering und Makrele“ to’n Bispeel, „Gor nich um Kümmern oder „Sowas Dummes“. Bi "Wi snackt Platt" hebbt wi fief lütte Riemels vun Benno Strandt för Jo rutsöcht - vördragen vun den unvergeten Schauspeler vun’t Ohnsorg-Theater Edgar Bessen.
Henwies: De lütten Riemels sünd ut de so nöömten "Ümdreihböker" vun Benno Strandt. Rutkamen sünd de damols in Hamborger Bobeck Verlag. To köpen gifft dat de hüüt man blots noch antiquaarsch.
"Zwischen Alster un Elbe" mit Arnold Risch
Arnold Risch weer en Multitalent: he hett schreven, vördragen, hett as Schauspeler op‘ e Bühn stahn un op Musik, dor verstunn he sik ok. Mit Richard Ohnsorg hett he damols de Nedderdüütsche Bühn gründt, de nu Ohnsorg Theater heet – un bavento hett he een Barg Böker rutbröcht. To öpen gifft dat de aver nicht mehr.
Een vun de Markenteken vun Arnold Risch weer: he sprüng in sien Texten twüschen Hoch, Platt un Missinsch hen nun her. Un een, de dat ok kunn, dat weer sien Schöler, de Ohnsorg-Schauspeler Willem Fricke. He kunn Arnold Risch sien Stücken vördregen as man een. Bi "Wi snackt Platt" höört Ji Willem Fricke mit Arnold Risch sien Text "Zwischen Alster und Elbe". Mehr Haborg geiht nich...
De goden Vörsätz för't ne'e Johr
Wat höört to’n Sylvesteravend un to‘n Neejohrsdag mit dorto as de Eier to Ostern, de Aquavit to’n Gröönkohl oder de Dannboom to Wiehnachten - dat sünd de goden Vörsätz. Dorto hebbt wi bi "Wi snackt Platt" en poor Gedanken vun den groten Reimer Bull för Jo.
Moderatschoon: Jan Wulf
Schlagwörter zu diesem Artikel
Plattdeutsch
