Wi snackt platt

Hartmut Cyriacks, en Avend in'e Oper un de düstern Daag

Sonntag, 20. November 2022, 08:30 bis 09:00 Uhr

Hartmut Cyriacks © Marco Maas / fotografirma.de Foto: Marco Maas
Hartmut Cyriacks is düsse Daag storven. 67 Johr is he oolt worrn.

Wat Plattdüütsch angeiht, dor kummt een an den Naam Hartmut Cyriacks nich an vörbi. As Plattsnacker stünn he ümmer ganz vöörn mit an un hett sik bannig dull för uns Spraak insett un sik dor ok üm kümmert. Un düsse Daag nu hett dat mit Mal ganz unvermodens heten, dat Hartmut Cyriacks storven is.

Weitere Informationen
Hartmut Cyriacks © Marco Maas / fotografirma.de Foto: Marco Maas

Plattdüütschland trauert um Hartmut Cyriacks

Der plattdeutsche Dramaturg, Autor, Übersetzer und Journalist Hartmut Cyriacks ist tot. Er starb im Alter von 67 Jahren in Hamburg. mehr

1955 is he in Achim in'n Landkreis Verden in Neddersassen to Welt kamen, hett Germanistik un Geschichte studeert un güng denn na sien Tiet as Referendar na't Ohnsorg-Theater hen, wo he meist teihn Johr lang as Dramaturg arbeidt hett. Dorna hett he sik mit Peter Nissen tohoop ganz besünners üm uns plattdüütsche Spraak kümmert un is ok ne Tiet lang hier bi uns in'e plattdüütschen Narichten bi NDR 90,3 to hören ween. Gerd Spiekermann besinnt sik för uns Sünndag in "Wi snackt Platt" noch mal op Hartmut Cyriacks, de düsse Week in't Öller vun 67 Johr vun uns gahn is.

Ein aufgeschlagenes Buch liegt neben einer Kaffeetasse vor einem Ofen. © Fotolia Foto: K.-U. Häßler
AUDIO: Wi snackt Platt: De düstern Daag (30 Min)

En Avend in'e Oper

Wilhelm Wieben is ok Plattsnacker ween. Wenn he vertellt hett, denn hebbt de Geschichten ümmer noch en ganz egen Klang kregen, hett dat mal heten. Un dat stimmt. Dor köönt Ji Jo an'n Sünndagmorgen bi NDR 90,3 "Wi snackt Platt" sülvst ok noch mal vun övertügen, denn dor höört Ji Wilhelm Wieben noch mal mit en Geschicht över en seggt wi mal ganz interessanten Avend in'e Oper.

De düstern Daag

Bavento höört Ji Sünndag bi "Wi snackt Platt" denn ok noch mal wat vun Reimer Bull, wo he 'n beten wat över de düstern Daag vertellen deit, de wi nu in'n Novembermaand, in de düstern Johrstiet, faat hebbt: Volkstruerdag, Buß- un Beetdag un nu an'n Sünndag Dodensünndag.

De Leder in uns Sennen:

Godewind - Kumm mit an't Meer
Otto Groote Ensemble - Min Jehann
Rüdiger Wolff - Wind weiht över uns Land
Ina Müller - Buten Kluten
Gerrit Hoss - In disse Tied

Moderatschoon: Jürgen Fitschen

Weitere Informationen
Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30 un in'n Podcast. mehr

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

Radio vor blauem Himmel und Herbstblättern (Montage) © iStockphoto Foto: René Mansi, Smileus

Wi snackt Platt: Reis dör't Archiv

Bi "Wi snackt Platt" maakt wi dütmal en lütte Reis dör't Archiv. mehr

Schlagwörter zu diesem Artikel

Plattdeutsch

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1298542.html
Kapitän wirft ein Seil © picture-alliance/ dpa Foto: DB Andreas Tamme

Podcast: Wi snackt Platt

Wat an plattdüütsche Kultur op de Bühn, in de Literatur oder in Films löppt - Ji kriegt dat mit bi "Wi snackt Platt" vun NDR 90,3. mehr

NDR 90,3 Livestream

Hamburg am Nachmittag

15:00 - 19:00 Uhr
Live hörenTitelliste