Wi snackt platt
Sonntag, 23. Oktober 2022, 08:30 bis
09:00 Uhr
Se is Johrgang 1937, in Noordersteed tohuus un hett sik över de Johren henweg dör all ehr Geschichten un Vertellen en Naam as plattdüütsche Autorin maakt: Christa Heise-Batt. Düsse Daag - an'n 22. Oktober - warrt se för ehr Arbeit, wat de nedderdüütsche Spraak angahn deit, mit den Quickborn-Pries uttekent.
Geschichten ut Översee
As Exportkoopfro güng dat för ehr fröher veel wat dör de Welt. Un veel vun dat, wat se dor op ehr Reisen so allens beleevt hett, dat hett se opschreven un kunn dat op düsse Oort un Wies för sik denn ok beter verarbeiden. Bi "Wi snackt Platt" höört wi mal rin in en Geschicht vun Christa Heise-Batt, wo se sülvst seggt, dat dat een vun ehr schöönst Erinnern is ut de Tiet as se in Bolivien ween is.
Wat löppt op Platt?
Bavento kiekt wi in uns Sennen ok noch mal kort op dat, wat so löppt op Platt in Hamborg un ümto. Un dor sünd wi dütmal bi de Volksspeelbühn Rissen to Besöök, wo an'n Sünnavend, 29. Oktober, avends Klock acht, in de Rissener School-Aula Iserbarg de Vörhang wedder op geiht. Dor fiert de Erfolgs-Kummedi "En kommodigen Avend" vun Ingo Sax Premieer. Speelt warrt dat Stück dor denn noch bet to'n 7. November.
De Leder in uns Sennen
Otto Groote Ensemble - Straat nah Westen
Godewind - Platt ward international
Charmonia - Hamborgs Straaten
Ina Müller - Dörp reggae
Lui & Fiete - Rollin' Home
Moderatschoon: Jürgen Fitschen
Schlagwörter zu diesem Artikel
Plattdeutsch
