Wi snackt platt
Sonntag, 02. Oktober 2022, 08:30 bis
09:00 Uhr
"Wokeen de Vergangenheit nich kennen deit, de kann de Gegenwart nich verstahn un de Tokunft nich gestalten" - dat hett Helmut Kohl in de 90er Johrn mal seggt hatt. Un dor is veel wat an an düssen Satz. An'n 3. Oktober fiert wi den Dag vun'e Düütschen Eenheit. Dorüm besinnt wi uns dorto noch mal op uns Vergangenheit un haalt dor noch mal'n poor Biller vun fröher to trüch. Woans is dat dor domals egens so ween dat Leven mit un an de binnendüütsche Grenz?
Wat löppt op Platt?
Bavento kiekt wi bi "Wi snackt Platt" op dat, wat de tokamen Tiet so los is an plattdüütsche Veranstaltens in uns Stadt. So leggt dor to't Bispeel ne ganze Reeg Theater op Platt na en lange Corona-Paus wedder los mit Spelen. Den eersten Schwung vun dat, wat op Platt so allens löppt, dat faat wi al mal'n beten wat tohoop. Wi wiest hen op:
6. - 16. Oktober:
Norderstedter Amateur-Theater - "Rosas Revolver" (Festsaal am Falkenberg)
7. - 30. Oktober:
Plattdütsche Bühn Tangstedt - "Opa ward verköfft" (Theatersaal Alter Heidkrug)
7. - 16. Oktober:
Theater 47 - Volksspielbühne Jenfeld - "Sööts, sünst gifft't Suurt!" (Erich-Kästner-Gemeinschaftsschule, Barsbüttel)
22. Oktober - 18:30 Uhr:
Suedkultur Music Night (St. Paulus-Kirche, Heimfeld)
19. Oktober - 18:00 Uhr:
Gute Laune RENTNER-ROCK mit Lars-Luis Linek (Lichtwarksaal, Carl-Toepfer-Stiftung)
Geschichten över Oma
Un kloor gifft dat in uns Sennen "Wi snackt Platt" bi NDR 90,3 an'n 2. Oktober ok noch'n beten wat to't Högen. Dütmal kriegt Ji wat över de Oma vun Gerd Spiekermann un Reimer Bull to hören. Een vun de beiden Geschichten is en Klassiker ut uns Reeg "Hör mal 'n beten to" un dreiht sik üm Oma ehr Schotteldook, wo sik an't Enn rutstellen deit, dat dat egens Oma ehr ole Ünnerbüx ween is.
De Leder in uns Sennen
Willem - Mit Zampel un Kaffetäng
Wattenläufer - De Stävels sünd toon Wannern!
Charmonia - Help
Ina Müller - Veel to olt
Knipp Gumbo - Marie Marie
Moderatschoon: Jürgen Fitschen