Wi snackt platt

Wi snackt Platt: Henneberg-Bühn un Dora Heldt op Platt

Sonntag, 11. September 2022, 08:30 bis 09:00 Uhr

Dora Heldt steht vor dem Funkhaus. © NDR Foto: Frederike Burgdorf

"Wat för en Sommer" - so heet Book vun Erfolgsautorin Dora Heldt, dat de Quickborn-Verlag in't Plattdüütsche bröcht hett. Op dat Harbour Front Literatur Festival warrt Annie Heger dorut vörlesen.

Bi "Wi snackt Platt" sünd wi dütmal bi de Henneberg-Bühn in Poppenbüttel to Besöök, de an'n 16. September Premieer mit dat Stück "Huus an't Meer" fiert, un wi maakt Jo Lust op en plattdüütsche Lesen bi't Harbour Front Literaturfestival an'n 21. September in't Altonaer Theater.

Henneberg-Bühn speelt "Huus an't Meer"

Ok de Henneberg-Bühn in Poppenbüttel harr dat nich licht in’e verleden Corona-Tiet. Twee-eenhalf Johr lang leeg de Premieer vun de Kummedie “Huus an’t Meer” op Ies, man nu is dat endlich sowiet: Tokamen Freedag is dat Stück dat eerste Mal in’n Festsaal vun dat Hospital zum Heiligen Geist in Poppenbüttel to beleven. Opstunns sünd de letzten Proven bi de Henneberg Bühn in Gang un Wi snackt Platt-Reporter Bernhard Koch, de stellt Jo dat Stück un de Lüüd vun’e Henneberg Bühn mal vör.

Weitere Informationen

Ensemble-Mitglieder der Henneberg-Bühne im Jahr 2019 in der Komödie "Piratenfunk in Höhnerstall" von Fred Redmann. © Henneberg-Bühne

40 Jahre Lampenfieber: Die Henneberg-Bühne in Hamburg-Poppenbüttel

Nach einer langen Corona-Pause kann die 1982 gegründete Henneberg-Bühne endlich wieder Theater spielen und ihr Publikum begeistern. mehr

Dora Heldt: Plattdüütsche Sommer-Geschichten bi't Harbour Front Literaturfestival

Porträtfoto von Annie Heger © Linn Marx Foto: Linn Marx

Een Avend för de Plattdüütsche Spraak: Bi dat Harbour Front Literaturfestival leest Annie Heger plattdüütsche Geschichten vun Dora Heldt un snackt mit de Erfolgsautorin.

Vunaf den 8. September löppt in Hamborg wedder dat Harbour Front Literatur-Festival. Üm un bi 70 Veranstaltens rund üm dat Thema Böker warrt dat in’e tokamen twee Maanden bi uns in'e Stadt geven. Vele Highlights sünd dorbi un ganz vele wunnerbare Autorinnen un Autoren, man wat besünners schöön is: dütmal warrt dat ok een plattdüütsche Veranstalten op dat Harbour Front Literatur Festival geven. An'n Middeweken, den 21. September, avends Klock 8, warrt de Schauspelersch un Sängersch Annie Heeger in’t Altonaer Theater ut dat Book "Wat för een Sommer" vun Dora Held lesen un mit de Erfolgsautorin, de an düssen Avend ok mit dorbi ween warrt, över ehr Kinnertiet op Sylt un ehr "Affinität" to'n Noorden un to de Plattdüütsche Spraak snacken. Bi "Wi snackt Platt" vertellt de Schauspelersch un Sängersch Annie Heger, op wat sik de Lüüd bi düssen Avend freien köönt un en lütten Utsnitt ut dat Book "Wat för en Sommer" vun Dora Heldt hebbt wi ok noch för Jo

Henwies: Dat Book "Wat för en Sommer" is en Översetten ut dat Hoochdüütsche vun Heike Thode-Scheel un Peer-Marten Scheller. Dat Book is rutkamen in'n Quickborn-Verlag, man in'n Oogenblick utverköfft.

"De best Klock" - To'n Gedenken an Reimer Bull

He weer een vun de besten plattdüütschen Geschichten-Vertellers, de wi harrn: Reimer Bull. Düsse Daag is dat 10 Johr her, dat he in'nt Öller vun 78 Johr storven is. Wunnerbar kunn he vertellen: mal heel lustig, mal ganz nadenkern. Bi "Wi wi snackt Platt" wüllt wi nochmal an em denken un hebbt een vun siene wunnerbaren "Hör mal'n beten to"-Geschichten ut uns Archiv rutsöcht: "De best Klock".

Moderatschoon: Jan Wulf

De Leder in uns Sennen: