Wi snackt platt

In de Geschicht vun Martha Luise Lessing, mit de se düt Johr bi "Vertell doch mal" den veerten Pries wunnen hett, geiht dat üm de Grote Stormfloot vun 1962.

Wi sünd dütmal bi dat Freewilligenforum in Poppenbüddel to Besöök, denn hebbt wi noch en wunnerbare Geschicht vun Martha Luise Lessing för Jo - geiht dor üm de grote Stormfloot vun 1962 hier bi uns in Hamborg, un wi sünd mit de Jungs vun’n Mofaclub “Alarm für Mofa 11” in de Lümborger Heid ünnerwegens.

Dat Freewilligenforum in Poppenbüttel

Wi besöökt dat Freewilligenforum Poppenbüttel: Michael Bolten (links) kümmert sik üm dat Organisatorische, Jan-Franz Arends is al siet 15 Johr aktiv dorbi.

Se hölpt anner Lüüd bi’t Inköpen, fohrt kranke Minschen to’n Dokter oder snackt mit ole Lüüd, de sik alleen föhlt. De Ehrenamtlers vun’t Freewilligenforum in Poppenbüttel sünd jümmers dor, wenn dat dorüm geiht, anner Minschen ünner de Arms to griepen un em Stütt to geven. Siet mehr as twinnig Johr maakt se dat nu al, un Bernhard Koch, de weer dor  annerletz mal to Bessök un hett mit de flietigen Lüüd vun’t Freewilligenforum in Poppenbüttel snackt.

Platz 4 bi Vertell doch mal: "1962" - Een Geschicht över de Grote Stormfloot

Den veerten Pries bi "Vertell doch mal", uns Plattdüütsche Schrievakschoon, hett düt Johr Martha Luise Lessing ut Sleswig-Holsteen wunnen. Dat besünnere an düsse Geschicht: Dreihen deit se sik üm en grotet Unglück, op dat sik vele seker ok noch besinnen köönt: dat geiht üm de grote Stormfloot 1962. “1962” - so hett Martha Luise Lessing ehr Geschicht denn ok nöömt - un dat geiht dor üm en jungen Fischersmann un woans he de Stormgloot beleevt hett. Man höört sülvst. Dat leest Ohnsorg-Schauspeler Markus Gillich.

"Alarm för Mofa 11" - Mit en Mofaclub in de Lümborger Heid ünnerwegens

Een Mofa to hebben, dat weer ünner junge Lüüd mal so richtig cool un in Mood. Vör Johrteihnten… 28 vullwussen Keerls ut Düütsch Evern in de Lümborger Heid, de köönt sik noch goot op düsse Tiet besinnen, un se hebbt domals so veel Spaaß hatt, dat se sik dacht hebbt: düssen Spaaß wüllt se mal wedder hebben. "Alarm för Mofa 11”, so heet jümehr Mofaclub, den se vör veer Johr grünnt hebbtgrünnt. Un so knattert se denn ok nu wedder över de Dörpen - un dat, kloor, stilecht in Jeansjack mit bunten Opnähners op. Ilka Brüggemann

Moderatschoon: Jan Wulf

De Leder in uns Sennen:

Twischen Oostsee un Nordseestrand- Timsen un sien Lüüd
Ik all alleen - Knipp Gumbo
Fährmann - Godewind
Renn nich weg - Norma
Dörp reggea - Ina Müller

Weitere Informationen

Wi snackt Platt bei NDR 90,3

"Wi snackt Platt" bringt de heemliche Mudderspraak vun uns Noorddüütschen ok in't Radio un in'n Podcast to'n Klingen. mehr

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr