Wi snackt platt

Fischer Meier, Rodenboom un Winner Heiko Thomsen

Sonntag, 03. Juli 2022, 08:30 bis 09:00 Uhr

Heiko Thomsen aus Hamburg-Eimsbüttel belegte bei der Plattdeutschen Schreibaktion "Vertell doch mal 2022" mit seiner Geschichte den 2. Platz © Jan Wulf Foto: Jan Wulf
Heiko Thomsen ut Eimsbüddel hett düt Johr bi "Vertell doch mal" den 2. Platz maakt. "Wi mööt hier rut" heet sien Geschicht.

Bi "Wi snackt Platt" sünd wi dütmal mit Fischer Stefan Meier op’e Ilv ünnerwegens, dat geiht mit Marianne Richter dör de Stadtdelen Harvestehuud un Rodenboom, un Ji höört de Geschicht, mit de Heiko Thomsen ut Eimsbüttel bi uns Schrievakschoon “Vertell doch mal” den tweten Platz maakt hett - vördragen vun Santiano-Sänger Axel Stosberg.

Stefan Meier ist einer der letzten Fischer von Finkenwerder. © Gerrit Hoss Foto: Gerrit Hoss
AUDIO: Wi snackt Platt: Finkwarder Fischer, Rodenboom un Heiko Thomsen (30 Min)

Mit Fischer Stefan Meier in'n Hamborger Hoben ünnerwegens

Stefan Meier ist einer der letzten Fischer von Finkenwerder. © Gerrit Hoss Foto: Gerrit Hoss
Twischen de groten Tankers un Krützfohrtscheep: Stefan Meier is en vun de letzten Fischer vun Finkwarder. Wi weern mit em in'n Hamborger Hoben ünnerwegens.

Vele Fischerslüüd, de gifft dat in'n Hamborger Hoben nich mehr, man Stefan Meier, de is dor mang de ganz groten Tankers un Krützfohrtscheep noch ünnerwegens - as een vun de letzten Fischer vun Finkwarder överhaupt. “Ilv” - so heet dat Schipp vun Stefan Meier - un Gerrit Hoss, de is bi em för "Wi snackt Platt" mal an Boord gahn.

Op’n Padd in Harvestehuud un Rodenboom

104 Stadtdelen hett Hamborg, un "Wi snackt Platt"-Reportersch Benita Brunnert, de will se all kennenlehrn un dor Plattsnackers drapen. Dütmal is se mit Marianne Richter in glieks twee Stadtdelen ünnerwegens: in Harvestehuud un in Rodenboom.

Henwies: Wenn Ji ok mal Lust hebbt, Benita Joon Stadtdeel to wiesen: wi söökt noch Plattsnackers to'n Bispeel in Tonndörp, Looksteed, Bahrenfeld oder ok in Langenbeek. Schrievt uns geern en Email an’n 903platt@ndr.de .

Weitere Informationen
Kapitän wirft ein Seil © picture-alliance/ dpa Foto: DB Andreas Tamme

De "Wi snackt Platt"-Podcast to'n Abonneern!

Wat an plattdüütsche Kultur op de Bühn, in de Literatur oder in Films löppt - Ji kriegt dat mit bi "Wi snackt Platt" vun NDR 90,3. mehr

Plattsnacker vun Harten: Heiko Thomsen

Heiko Thomsen steht mit einem Blumenstrauß und einer Urkunde auf der Bühne im Ohnsorg Theater in Hamburg beim "Vertell doch mal". © NDR Foto: Oke Jens
Platz 2 bi "Vertell doch mal" güng dut Johr an Heiko Thomsen ut Eimsbüddel un siene Kortgeschicht "Wi mööt hier rut".

Wat weer dat för en Överraschen: Nich blots Platz 1, sünnern ok Platz 2 vun uns Plattdüütsche Schrievakschoon “Vertell doch mal”, de güngen düt Johr na Hamborg. De Winner-Geschicht vun Wolfgang Krischke ut Eppendörp, de hebbt Ji al verleden Week bi “Wi snackt Platt” höört. Dütmal geiht dat üm den Mann, de op Platz 2 kamen is: Heiko Thomsen ut Eimsbüddel. Schoolmeester is Thomsen vun Beroop, man ok in de plattdüütsche Welt is he keen Unbekannten: he is een vun de Redakteuren vun de Zeitschrift Quickborn vun de Quickborn-Vereenigen, un he is in’n Vörstand vun’e Klaus-Groth-Sellschopp in Heid. Plattdüütsch is för em een Hartenssaak. Man to de Spraak kamen is he eerst laat. Mit üm un bi 50 Johr hett he anfungen, sik för norddüütsche Literatur to interesseern. Un wiel dor keen Weg an de Plattdüütsche Spraak vörbi geiht, hett he denn een Plattdüütsch-Kurs an'e Volkshoochschool maakt un is denn över dat Lesen vun Plattdüütsche Texten ok to dat Schrieven kamen. "Wi mööt hier rut" - so heet de Geschicht, mit de Heiko Thomsen düt Johr Platz 2 bi "Vertell doch mal" maakt hett. Geiht dor üm dat Thema Corona-Oplagen, man mal ut een gaanz anner Sicht. In't Ohnsorg-Theater vördragen hett de Kortgeschicht Santiano-Sänger Axel Stosberg.

Moderatschoon: Jan Wulf

De Leder in uns Sennen:

Lüttje Glück - Die Tüdelband
Sömmernacht - Jan Cornelius
Tweisamkeit in´t Wulkenkuckucksnest - Wolfgang & Anke
An't Enn vun'e Welt - Santiano
An Land - Annie Heger

Weitere Informationen
Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30 un in'n Podcast. mehr

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

Leute im Gespräch (Montage) © Fotolia.com Foto: Kevin Woodrow, drubig-photo

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr

Schlagwörter zu diesem Artikel

Plattdeutsch

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1262816.html
NDR 90,3 Livestream

Hamburg am Mittag

13:00 - 15:00 Uhr
Live hörenTitelliste