Wi snackt platt

Un de "Vertell doch mal"-Winner is... Hamborg!

Sonntag, 26. Juni 2022, 08:30 bis 09:00 Uhr

Wolfgang Krischke hält einen Blumenstrauß in der Hand © Screenshot
Wolfgang Krischke ut Eppendörp hett düt Johr de plattdüütsche Schrievakschoon "Vertell doch mal" wunnen. "Doden Winkel" heet sien Geschicht.

Bi "Wi snackt Platt" kiekt wi nochmal op „Vertell doch mal“, de grote plattdüütsche Schrievakschoon, de de NDR düt Johr nu to‘n 34. Mal tohoop mit Radio Bremen un dat Ohnsorg-Theater op’e Been stellt hett. Botschafter vun den Wettbewerb weer de Band Santiano. Un bi een grote Gala in't Ohnsorg-Theater sünd nu de besten Geschichten uttekent worrn. Dorbi güngen de eersten twee Priesen an twee Hamborgers: Wolfgang Krischke ut Eppendörp un Heiko Thomsen ut Eimsbüddel. Wi weern dorbi as se jümehr Priesen kregen hebbt un, kloor, gifft dat bi "Wi snackt Platt" ok de Winnergeschicht to höörn.

Sieger des plattdeutschen Wettbewerbs Vertell doch mal stehen nebeneinander auf einer Bühne. © NDR
AUDIO: Wi snackt Platt: Un de "Vertell doch mal"-Winner is... Hamborg! (31 Min)

Un de Winner is: Wolfgang Krischke ut Eppendörp

De eerste Pries güng an Wolfgang Krischke mit sien Geschicht vun'n "Doden Winkel". In sien Vertellen geiht dat üm een Mann, bi den de Dood op eenmal in'e Stuuv sitten deit. Een wunnerbar lustige, man ok nadenkliche Geschicht mit veel swatten Humor.

Weitere Informationen
Sieger des plattdeutschen Wettbewerbs Vertell doch mal stehen nebeneinander auf einer Bühne. © NDR

Vertell-Gewinner: Jury zeichnet beste plattdeutsche Geschichten aus

Ausgezeichnet wurden im Ohnsorg-Theater Autoren aus Hamburg und Niedersachsen sowie Autorinnen aus Schleswig-Holstein. mehr

Twete Pries an Heiko Thomsen ut Eimsbüddel

Heiko Thomsen steht mit einem Blumenstrauß und einer Urkunde auf der Bühne im Ohnsorg Theater in Hamburg beim "Vertell doch mal". © NDR Foto: Oke Jens
Mit siene Geschicht "Wi mööt hier rut" hett Heiko Thomsen ut Eimsbüddel düt Johr den tweten Pries wunnen.

"Wi mööt hier rut" - so heet de Geschicht vun Heiko Thomsen ut Eimsbüddel, mit de he den tweten Pries wunnen hett. In sien Geschicht kummt an‘n Enn bi rut, dat dat dor gor nich üm Minschen gahn deit, vun de he dor vertellen deit, sünnern dat geiht üm Viren, de in sien Geschicht över all de Corona-Oplagen klagen doot.

Vertell doch mal: üm un bi 1300 Geschichten to't Thema "Op dat Leven"

Eine junge Frau liest ein Buch vor dem Eingang des Ohnsorg Theaters in Hamburg. © NDR Foto: Oke Jens
De besten 26 Geschichten vun "Vertell doch mal" sünd jüst ok as Book rutkamen.

Üm un bi 1.300 plattdüütsche Geschichten sünd bi de plattdüütsche Schrievakschoon "Vertell doch mal " in 't Johr 2022 tohoopkamen. De Jury harr also ornlich wat to doon un’n ganzen Barg vull to lesen. Un in all de Geschichten, dor güng dat op de een oder anner Oort un Wies ümmer üm dat Leven. Denn dat Thema düt Johr bi „Vertell doch mal", dat stünn ünner dat Motto: „Op dat Leven“. Un so heet nu an’n Enn denn ok dat Book, wat dat to uns plattdüütsche Schrievakschoon geven deit. De 26 besten Geschichten kann een dor nochmal binnen nalesen.

Moderatschoon. Jürgen Fitschen

De Leder in uns Sennen:

Mit Zampel un Kaffetäng - Willem
De Klock is Dree - Ina Müller
These boys mus be free (op Platt) - Nick, Yared & Floy feat. The Charchullas
Rollin'Home - Lui & Fiete

Weitere Informationen
Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30 un in'n Podcast. mehr

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

Leute im Gespräch (Montage) © Fotolia.com Foto: Kevin Woodrow, drubig-photo

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr

Schlagwörter zu diesem Artikel

Plattdeutsch

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1261438.html
NDR 90,3 Livestream

NDR 1 - Die beste Musik für den Norden

21:00 - 23:00 Uhr
Live hörenTitelliste