Wi snackt platt

Peer Marten Scheller is Vörsitter vun'n Plattdüütschroot in Hamborg. Bi "Wi snackt Platt" vertellt he, op wat sik de Lüüd b'in 3. Plattdüütsch Dag in Hamborg freien köönt.

Düsse Week geiht dat bi uns üm den Plattdüütsch Dag in Hamborg, de tokamen Sünnavend bi uns in'e Stadt fiert warrt, un dat gifft Goethe sien Oosterspazeergang op Platt to höörn.

AUDIO: Wi snackt Platt: Oosterspazeergang un Vörutkiek Plattdüütsch Dag (31 Min)

Een Dag för de Plattdüütsche Spraak in Hamborg

"Platt för de Stadt" - so is dat Motto vun'n 3. Plattdüütsche Dag, de an'n 23. April in Hamborg fiert warrt. Mehr as 40 Veranstaltens op Plattdüütsche staht op't Programm: Kunzerten, Lesungen, Törns un ok Theaterstücken.

Tokamen Sünnavend, an'n 23. April, is Plattdüütsch Dag in Hamborg. Mehr as 40 plattdüütsche Kunzerten, Lesungen, Theatervörstellung un Törns op Platt sünd an düssen Dag to beleven. Bi "Wi snackt Platt" is de Vörsitter vun'n Plattdüütsch Root in Hamborg, Peer-Marten Scheller, to Besöök. He vertellt vun all dat, wat dat an'n 3. Plattdüütsch Dag in Hamborg to beleven gifft, un he maakt Jo Lust dorop, ok mal bi de een oder anner Veranstalten vörbi to kieken.

Henwies: Dat Programm to'n 3. Hamborger Plattdüütsch Dag findt Ji hier. Dor gifft dat ok mehr Infos to den plattdüütschen Rundgang över St. Pauli mit Sönke Albertsen.

Moderation: Jan Wulf

Weitere Informationen

Wi snackt Platt: Platt is bunt!

Wi stellt Jo de ne'e Utstellen "Platt is bunt" in'e Zentraalbibliothek vör, sünd in Ohlsdörp to Gang,, un wi besöökt den NABU in Wandsbeek. mehr

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30 un in'n Podcast. mehr