Wi snackt platt

An'n 27. Februar hett dat Stück "Bares is nix Rares" in't Ohnsorg-Theater Premieer fiert. Wi weern dorbi un vertellt Jo, wat sik dat lohnt sik dat Stück antokieken oder nich.

Dütmal geiht dat bi "Wi snackt Platt" üm dat ne’e Stück "Bares is nix Rares" in't Ohnsorg-Theater, üm en ne'e Översetten vun dat Kinnerbook "Struwwelpeter" und wi besöökt dat Nissen-Huus in Husum. Dor kann een sik allerhand Geschichten över den Mythos vun'e Stadt Runholt vertellen laten, de 1362 bi en grote Floot ünnergahn is.

AUDIO: Wi snackt Platt: Ohnsorg, Struwwelpeter un Rungholt (31 Min)

Bares is nix Rares - Ganz veel Slapstick bi Ohnsorgs

Gifft veel to Lachen bi "Bares is nix Rares" in't Ohnsorg-Theater, vl.n.r.: Konstantin Graudus, Birte Kretschmer, Meike Meiners un Erkki Hopf.

Meern in'e Kries mal'n beten wat afschalten un mal düchtig lachen - dat kann een noch bet to'n 23. april in't Ohnsorg-Theater. "Bares is nix Rares" heet das ne'e Stück. Un dat is en ganz besünners schregen Avend mit veel bekannte Ohnsorg-Gesichter. Wi weern bi de Premieer vun dat Stück dorbi und vertellt Jo wat sik dat lohnt sik dat Stück antokieken oder nich.

Weitere Informationen

"Bares is nix Rares" feiert Premiere im Ohnsorg-Theater

Mit "Bares is nix Rares" bringt das Ohnsorg-Theater ein wildes Slapstick-Stück über Lügen und ihre Auswirkungen auf die Bühne. mehr

De Struwwelpeter op Platt

Jedeen kennt se: de Geschichten vun "Hans guck in die Luft", den Suppenkaspar un vun den Zappelphillip. Nu gifft dat den "Struwwelpeter", in't Originaal vun Heinrich Hoffmann, ok in en plattdüütsche Faten. Benita Brunnert hett sik dat Kinnerbook in de Nahvertellen vun Arnd Immo Richter mal nipp un nau un weer ganz hen un wech. Rutkamen is de "Strubbelpeeter op Hamborger Platt" in de Edition Tintenfass un kössen deit dat Book 16 Euro.

Trutz Blanke Hans - Rungholt-Tour in't Nissen Huus in Husum

Hett dat de Stadt Rungholt würklich geven? In't Nissen-Huus in Husum gifft dat nu eenmal in'n Maand interessante Tour to't Thema.

Hebbt Ji al mal wat vun Rungholt höört? In’t veerteihnste Johrhunnert, dor weer düsse Oort een vun de rieksten an de ganze Noordsee-Küst. Aver denn keem de grote Floot vun dörteinhunnerttweeunsösstig un Rungholt is ünnergahn. Vele, vele Geschichten warrt vertellt över dat, wat dor vör över sösshunnert Johr mit Rungholt passeert is. Un de gifft dat nu to höörn - bi en Tour op Platt in’t Nissen-Huus in Husum. Eenmol in Maand schall dat de nu geven, Peter Bartelt weer bi de erste Tour mit dorbi un de güng sogar los mit en Gedicht vun en Hamborger Dichtersmann ut Hamborg-Rahlstedt: mi Detlev vun Liliencron sien "Trutz Blanke Hans".

Moderatschoon: Jan Wulf

De Leder in uns Sennen:
Gröön saltig groden . Iko Andrae
Ganz goot - Norma
Lüttje Glück - Die Tüdelband
In een Boot - Godewind
Wellen, Wind un Meer - Lars & Timpe

Weitere Informationen

Wi snackt Platt: Glücksdaagbook, Heiraadsandrag und Masterarbeit

Dütmal geiht dat bi uns üm en Glücksdaagbook, en Heiraatsandrag un en Student, de siene Masterarbeit op Platt schrieven deit. mehr

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30 un in'n Podcast. mehr

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

Die Welt snackt Platt: Alles rund um das Thema Plattdeutsch

Plattdeutsche Sendungen in Radio und Fernsehen im Überblick, das Wörterbuch oder aktuelle Norichten op Platt. mehr