Wi snackt platt

Snickemuus, Kinnergoorn un Bellmann-Stuuv

Sonntag, 20. Februar 2022, 08:30 bis 09:00 Uhr

Plattdeutsch für die Kleinsten im Kindergarten. © NDR / Lina Bande
Plattdüütsch för den Kinnergoorn: in de Broschüür "Snickemuus un Spaddelkeerl" gifft dat nu Tipps för schöne plattdüütsche Gedichten, Aftellriemels un Fingerspelen.

Bi "Wi snackt Platt" sünd wi dürmal in en Kinnergoorn to Besöök un stellt Jo de ne'e Broschüür "Snickemuus un Spaddelkeerl" vör, wi kiekt bi den Plattdüütsch Krink vun'n Heimatbund Nordersteed vörbi un dat geiht üm den wunnerbaren plattdüütschen Autor Johann Diedrich Bellmann: in Buxthu (Buxtehude) sünd se dorbi, de so nöömte "Bellmann-Stuuv" intorichten.

Mit Farbe angemalte Kinderhände vor blauem Himmel. © rosabrille
AUDIO: Snickemuus, Kinnergoorn un Bellmann-Stuuv (30 Min)

Platt in Kinnergoorn: Ne'e Broschüür mit Gedichten, Aftellriemels un Fingerspelen

Uns plattdüütsche Spraak leevt! Un dorför, dat dat ok in Tokunft so blifft, is dat wichtig, dat ok de Kinner bi uns in Hamborg wedder mehr mit Plattdüütsch in Kontakt kaamt. An’n besten al in’n Kinnergoorn. Un för all de, de dor as Erzieher un Erzieherinnen arbeiden doot un de geern mehr op Plattdüütsch mit jümehr Kinner maken wüllt, för de gifft dat nu en ne’e Broschüür. “Snickemuus un Spaddelkeerl” heet dat lütte Heft mit sösstig Sieden, dat dat Nedderdüütschsekretariat mit Sitt in Hamborg tohoop mit den Bunnsraat för Nedderdüütsch rutgeven hett. Lina Bande, de weer mal in en Kinnergoorn to Besöök un hett sik ankeken, op wat för dulle Ideen een mit düsse Broschüür kamen kann.

Weitere Informationen
Plattdeutsch für die Kleinsten im Kindergarten. © NDR / Lina Bande

Platt für die Kleinsten: Sprache spielerisch erlernen

Wie können Kindergartenkinder an Plattdeutsch herangeführt werden? Ein Angebot liefert Ideen für kindgerechte Spiele op Platt. mehr

De Plattkrink vun'n Heimatbund Nordersteed

Wenn een hier bi uns in Hamborg un ümto Platt snacken will, denn sünd de velen Plattkrinks, de dat hier gifft, dorför seker een gode Adress. Bi NDR 90,3 “Wi snackt Platt” stellt wi Jo vun Tiet to Tiet jümmers wedder Plattkrinks vör. Un dütmal geiht dat an de Lannsgrenz vun uns Stadt, un twors na Nordersteed. Dor, in’t Raathuus, dröppt sik jedeen drüdden Dünnersdag in Maand de Plattdüütschkrink vun’n Heimatbund. Plattdüütsche Texten warrt dor leest - un Benita Brunnert weer mal bi en Drapen dorbi.

Henwies: Dat neegste Drapen vun den Plattkrink vun'n Heimatbund Nordersteed is an’n 17. März in’t Raathuus vun de Stadt Norderstedt, Ruum K 212. Klock dree an’n Nameddag geiht dat los. Bidde anmellen! Hier gifft dat mehr Infos.

De Bellmann-Stuuv in Buxthu

Cover: Lüttjepütt von Johann D. Bellmann. © Hinstorff Verlag
"Lüttjepütt" is woll dat bekannste Wark vun den Autor Johann Diedrich Bellmann, de 2006 storven is. In Buxthu (Buxtehude) warrt nu en "Bellmann-Stuuv" inricht.

“Lüttjepütt”, de “Loccumer Trilogie” oder ok “Inseln ünner den Wind” - dat sünd blots dree vun de velen, wunnerbaren Böker, de Johann Diedrich Bellmann schreven hett. He is woll een vun de bedüdendsten Autoren vun de niege plattdüütsche Literatur överhaupt. 2006 is Bellmann storven - un nu sünd de Lüüd vun't "Nettwark Platt" in Buxthu, also Buxtehude, jüst dorbi sien Nalaat to sorteeren. Mehr as tweeanhalfdusend Böker sünd dat, de nu - 16 Johr na sien Dood - in de so nöömte “Bellmann-Stuuv” en ne'et Tohuus kriegen schüllt. Gerrit Hoss, de hett de Lüüd vun’t “Nettwark Platt” bi’t Böker sorteren besöcht.

Moderatschoon: Jan Wulf

De Leder in uns Sennen:

Hüüt is mien Dag - Timsen un sien Lüüd
Un kümmt de Sommer - Valentine & The True Believers
In een Boot - Godewind
Ik all alleen - Knipp Gumbo
Dat wer Mai - Ina Müller

Weitere Informationen
Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30 un in'n Podcast. mehr

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

Schlagwörter zu diesem Artikel

Plattdeutsch

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1227764.html
NDR 90,3 Livestream

Hamburg am Mittag

13:00 - 15:00 Uhr
Live hörenTitelliste